“शमुएल अगमवक्ता,” पुरानो करारका कथाहरू (२०२१)
“शमुएल अगमवक्ता,” पुरानो करारका कथाहरू
१ शमुएल २–३
शमुएल अगमवक्ता
परमप्रभुद्वारा एक बालकलाई बोलाइयो
लामो समयसम्म, इस्राएलीहरूसँग तिनीहरूको अगुवाइ गर्न परमप्रभुका अगमवक्ता थिएनन् । बरु, न्यायकर्ताहरूले धेरै वर्षसम्म इस्राएलमा शासन गरे । यस समयमा, हन्नाहले आफ्नो जवान छोरा शमुएललाई इस्राएलका पादरी र न्यायकर्ता एलीसँग बस्न ल्याईन् । शमुएलले एलीलाई मन्दिरमा सहयोग गरे ।
एलीका दुई छोराहरूले पनि मन्दिरमा सेवा गरे, तर तिनीहरूले परमप्रभुका लागि बनाइएका भेटीहरू चोरे । केही मानिसहरूले एलीलाई गुनासो गरे तर एलीले तिनीहरूलाई दण्ड दिएनन् ।
एक साँझ शमुएलले उनलाई बोलाएको आवाज सुने । तिनले सोचे कि यी एली हुन्, त्यसैले शमुएल उनकहाँ गए । तर एलीले उनलाई बोलाएनन् । एलीले शमुएललाई ओछ्यानमा जान भने ।
शमुएलले दोस्रो पटक उनलाई बोलाएको आवाज सुने । उनी एलीकहाँ गए र तिनलाई के चाहन्छौ भनेर सोधे । तर एलीले उनलाई बोलाका थिएनन् । एलीले शमुएललाई ओछ्यानमा जान भने ।
शमुएलले तेस्रो पटक बोलाएको आवाज सुने । उनी फेरि एलीकहाँ गएर उनलाई के चाहन्छौ भनेर सोधे । यस पटक, शमुएलसँग बोल्नुहुने परमप्रभु नै हुनुहुन्छ भनी एलीले थाहा पाए । एलीले शमुएललाई ओछ्यानमा जान भने । एलीले भने कि यदि परमप्रभुले फेरि बोलाउनुभयो भने, शमुएलले सुन्नु पर्दछ ।
शमुएलले उनलाई फेरि बोलाएको आवाज सुने । यस पटक शमुएलले परमप्रभुलाई बोल्न आग्रह गरे र उनले सुन्छन् भनेर बताए । परमप्रभुले शमुएललाई एलीले आफ्ना दुष्ट छोराहरूलाई मन्दिरमा सेवा गर्न दिनु गलत हो भन्नुभयो । एलीको परिवारलाई अब त्यहाँ सेवा गर्न दिइनेछैन ।
भोलिपल्ट, एलीले शमुएललाई परमप्रभुले के भन्नुभयो भनेर सोधे । शमुएलले उनलाई भने । एलीलाई थाहा थियो कि परमप्रभुले शमुएलद्वारा बोल्नु भयो ।
यो खबर इस्राएल देश भरि फैलियो । मानिसहरूलाई थाहा थियो कि परमप्रभुले शमुएललाई उहाँको अगमवक्ता हुन छनोट गर्नु भयो ।