“एलीशाले नामानलाई निको पार्छन्,” पुरानो करारका कथाहरू (२०२२)
“एलीशाले नामानलाई निको पार्छन्,” पुरानो करारका कथाहरू
एलीशाले नामानलाई निको पार्छन्
साधारण आस्था पछि कसरी माहान् चमत्कार भयो
धेरै टाढा सिरियामा नामान नाम गरेका मानिस बस्थे । उनी सिरियाली सेनामा एक महान् कप्तान थिए । तर नामानलाई कुष्ठरोग भनिने पीडादायी छालाको रोग थियो ।
नामानकी पत्नीकी नोकर एक इस्राएली केटी थिईन् । केटीको परमप्रभुमा आस्था थियो । उनले भनिन् कि यदि नामानले अगमवक्ता एलीशालाई भेटे भने, नामान उनको रोगबाट निको हुनेछन् ।
नामानले एलिषालाई खोज्न लामो यात्रा गरे । नामानले ठूलो चमत्कारद्वारा आफूलाई निको हुने सोचे।
आफ्ना सेवकहरू, घोडाहरू र रथहरू लिएर नामान एलीशाको घरमा आए । नामानलाई परमप्रभुका निर्देशनहरू दिनका लागि एलीशाले आफ्ना सेवकलाई पठाए । यदि उनले आफुस्वयंलाई यर्दन नदीमा सात पटक नुहाएमा परमप्रभुले नामानलाई निको पार्नुहुनेछ ।
नामान रिसाए किनभने उनी परमप्रभुका अगमवक्ता बाहिर आएर उनलाई छिट्टै निको पारेको चाहन्थे । नामानले यर्दन नदी सिरियाका ठूला नदीहरू जत्तिकै महान नभएको गुनासो गरे ।
तर नामानका सेवकहरूले नामानले यस्तो साधारण काम किन गर्दैनन् भनेर सोधे । यसले नामानलाई कुनै अर्थ नराख्दा पनि, परमप्रभुका अगमवक्ताले उनलाई यसो गर्न भनेका थिए ।
नामानले घमण्ड गर्न छोडे र आफ्ना सेवकहरूका कुरा सुने । तिनले आफुस्वयंलाई यर्दन नदीमा सात पल्ट नुहाए । तब परमप्रभुले एलीशाले भनेजस्तै नामानलाई निको पार्नुभयो । नामानलाई थाहा थियो कि एलीशा अगमवक्ता थिए र परमप्रभु वास्तविक हुनुहुन्छ ।