1 Yalishca jipa chunga shuj huatapi ricushpa chasquichijcunapaj reinado Nefipaj llactapuracunapa jahuapi, picha punllapi ishcai quillapi, Zarahemla alpapi ashtaca sumaj causai tiashca cajpi, macanajuicuna fiñanajuicunapash na tiashca cajpi taucalla huatacunapi, picha punllacaman ishcai quillapaj chunga shuj huatapi, uyarirca macanajuipaj caparicuna tucui alpapi.

2 Riqui, Lamanitacunapaj macanajuj runacuna yaicumushca carca jichushca pamba ladota, alpa manñata, Ammoníah llactacaman, llactapuracunata huañuchi callarirca, llactata tucuchitapash.

3 Cunan yalishca jipa, nara Nefitacuna taucalla macanajuj runacunahuan jatari ushajllapita alpamanda calpachingapa, llactapuracunata tucuchishca carca maijanguna Ammoníah llactapi cashcacunata, huaquingunatapash Noépaj alpa manñacunapi, cutishujcunata jichushca pambaman huatai tucushcashnaman aparca.

4 Cunan yalishca jipa Nefitacuna munashca carca cutin tigrachimungapa maijanguna jichushca pambaman huatai tucushcashnaman apai tucushcacunata.

5 Chaimanda, pimi ajllai tucushca Nefitacunapaj macanajuna runacunamanda yalishca mandaj capitán, (paipaj shuti carca Zoram, pai charirca ishcai churicunata, Lehi, Ahapash)—cunan Zoram paipaj ishcai churicunahuan, yachaimanda Alma cajta iglesiapaj sumo sacerdote, uyashca caimanda pai charijta achil villachinapaj espírituta, chaimanda paipaman rirca yachangapa munashpa maiman Apunchij munan paicuna richun jichushca pambapi paicunapaj huauquicunata mascangapa, picunata Lamanitacuna huatai tucushcashna apashca carca.

6 Yalishca jipa Alma Apunchijta caimanda tapurca. Alma tigramurca paicunata nirca: Riqui, Lamanitacuna Sidón jatun yacu chimbanga jichushca pamba uraipi, Manti alpapaj manñacunapaj carupipacha. Riqui paicunata chaipi tupanguichi, Sidón jatun yacu indi llujshij ladopi, chaipi Apunchij cunga quiquinba huauquicunata picuna Lamanitacunahuan huatai tucushcashna apai tucushca carca.

7 Yalishca jipa Zoram paipaj churicunahuan Sidón jatun yacuta chimbarca, paicunapaj macanajuj runacunahuan, Manti alpa manñacunata yalishpa rirca urai jichushca pambapi, maijan carca Sidón jatun yacu indi llujshij ladopi.

8 Paicuna Lamanitacunapaj macanajuj runacunapaman shamurca, Lamanitacuna caiman chaiman chajchurirca, jichushca pambaman calpachirca; paicunapaj huauquicunata japirca picuna Lamanitacunahuan huatai tucushcashna apai tucurca, nishuj alma na chingashca carca huatai tucushcashna apashcacunamanda. Paicunapaj huauquicunahuan paicunapaj propio alpacunaman chasquichun apamurca.

9 Shina ricushpa chasquichijcuna chunga shuj huata tucurirca, Lamanitacuna alpacunamanda llujchishpa cachashca cashpa, Ammoníahpaj llactapuracunapash tucuchishca carca; ari, shujllangaman Ammoniahitacunamanda causa alma tucuchishca carca, paicunapaj jatun llactapash, maijan paicuna nirca Dios na tucuchi ushan, cai jatun jatun caimanda.

10 Ashtahuangari, shujlla punllapi jichushca saquirca; alcucuna jichushca pambamanda sacha animalcunapash huañushcacunata pilashca carca.

11 Shina cajpipash, tauca punllacuna jipa huañushca cuerpocuna shujllapi tandachishca carca alpa jahuapi, jahualla tapachishca carca. Cunan ninan jatun ashnai carca tauca huatacunata imamanda llactapuracuna Ammoníah alpapi causangapa na rirca. Nehorcunapaj Jichushca nishpa shutichirca, Nehorpaj femanda caimanda, picuna huañurca; paicunapaj alpacuna jichushca catirca.

12 Lamanitacuna cutin na shamurca Nefitacunahuan macanajungapa chunga chuscu huatacunacaman ricushpa chasquichijcunapaj reinado Nefipaj llactapuracuna jahuapi. Shina quimsa huatacunata Nefipaj llactapuracuna tucui alpacunapi catilla sumaj causaita charirca.

13 Alma Amulekpash llactapuracunata arrepentimientota yachachingapa rirca paicunapaj achil huasicunapi, achil pushtucunapi, paicunapaj tandanajuna huasicunapi, caicuna huashichishca carca Judíocunapaj layata catishpa.

14 Tauca maijan uyangapa munajcunaman, Diospaj shimita villarca, pi gentitapash na ajllashpa, punllan punllan.

15 Shina Alma Amulekpash rirca, taucacunapash maijanguna ruranapa ajllashca cashcacuna, achil shimita yachachingapa tucui alpacunapi. Iglesiata shayachina tucui alpapi maipipash yachashcaman tigrarca, tucui muyundi llactacunapi, Nefitacunapaj tucui llactapuracunapi.

16 Paicunapi tucuilla pacta carca; Apunchij paipaj Espírituta jicharca tucui alpa jahuaman runacunapaj huahuacunapaj yuyaicunata alichingapa, nacashpa paicunapaj shungucunata alichingapa achil shimita chasquichun ima paicunaman yachachishca canga paipaj shamuna punllapi—

17 Paicuna ama shinllicuna cachun achil shimipaj contra, paicuna na crijcuna cachun, tucuchinaman catichun, ashtahuangari paicuna achil shimita cushijuihuan chasquichun, malqui laya ciertopacha uvas chagraman quimichishpa churashca cachun, paicuna yaicuchun Apunchijpaj paicunapaj Diospaj samanapi.

18 Cunan chai sacerdotecuna picuna llactapuracunaman yachachingapa rirca tucui llullacunamanda contra, pandachinacunamanda, envidiacunamanda, fiñanajuicunamandapash, na alicuna rurachinacunamandapash, na cazunacunamandapash, shuhuanacunamandapash, shujpata japinacunamandapash, macanajuipi shuhuanamanda, huañuchinamanda, adulteriomanda, tucui laya mapata ruraimanda, villashpa cai cuzascuna na tianachu—

19 Yachachishpa ñapacha yalinata cuzascuna; ari, yachachishpa Diospaj Churi shamunata, paipaj llaquiricunamanda, huañuipash, huañuimanda cutin causarinatapash.

20 Tauca llactapuracunamanda tapurca maijan pushtuman Diospaj Churi shamunga; paicuna yachachishca carca pai ricurimungami paipaj cutin causarishca jipa; cai llactapuracuna ninanda cushijushpa uyarca.

21 Cunan iglesia tucui alpacunapi shayachishca jipa—ayapaj jahuamanda mishaita charishca jipa, yachachishca cashpa tucui alpacunapi Diospaj shimi ciertopachapi, Apunchij paipaj achil yachinacunata jichashpa llactapuracunapa jahuapi—shina tucurin chunga chuscu huata ricushpa chasquijcunapaj reinado Nefipaj llactapuracunapa jahuapi.