1 Cunan, caicuna can Ammónpaj shimicuna paipaj huauquicunaman, maijan shina nin: Ñuca huauquicuna, ñuca cumbacunapash, riqui cangunaman nini, imashna jatun imamanda ñucanchi cushijunata charinchi; ñucanchi yuyai ushanchichu imaura ñucanchi callarircanchi Zarahemlapaj alpamanda Dios ñucanchiman shina jatun achil yachishcacuna cunata?

2 Cunan, ñuca tapuni, ima jatun achil yachishcacunata pai ñucanchiman carashca? Villai ushanguichichu?

3 Riqui, ñuca tigrachini cangunamanda; imashpa ñucanchi huauquicuna, Lamanitacunaca, yanallapi carca, ari, yana manllanayai ucupi, ashtahuangari, imashna tauca paicunamanda apashca can ricungapa Diospaj juyailla michata! Cai can achil yachi imami ñucanchiman cushca cashca, ñucanchi imatapash rurana Diospaj maquicunapi cashcanchi cai jatun ruraita rurangapa.

4 Riqui, huaranga paicunamanda cushijun, Diospaj corralman apamushcapash can.

5 Riqui, tarpuj pamba fucushca carca, canguna achilyachishca canguichi, hocesta satimanda fucushca tandachimandapash, cangunapaj fuerzahuan, ari, tucui punlla trabajarcanguichi; riqui yupanapa cangunapaj gavillacuna! Caicuna tandachishca canga muru alichij ucupi, ama yanga shitachun.

6 Ari, caicuna huajtashpa shitashca na cangachu ninan tamiahuan chai tucuri punllapi; ari, na jarcashcapash cangachu huaira acapanacunahuan; ashtahuangari imaura ninan tamia shamujpi paicuna tandachishca canga paicunapaj pushtupi, chaica ninan tamiaca paicunapaman na yaicui ushanga; ari, na apai tucushcapash cangachu ninan huairacunahuan maimanbash na ricunayachij paicunata apangapa munaiman.

7 Ashtahuangari riqui, paicuna Apunchijpaj fucushcacunata tandachishcapaj maquicunapimi can, paicuna paipaj can; pai jatarichinga paicunata chai tucuri punllapi.

8 Ñucanchi Diospaj shuti achilyachishca canga; cantashunchi paita alabangapa, ari, pagui nishunchi paipaj achil shutita, imashpa pai alita ruran mana tucurinacaman.

9 Ñucanchi na vichai shamunchiman carca Zarahemlapaj alpamanda, cai ñucanchi ninan juyashca huauquicuna, picuna ñucanchita ninanda juyashca can, ñucanchita na ricunayachishca llaquipi canmara carca, ari, paicuna canmambash carca Diospaj na rijsishcacunara.

10 Yalishca jipa imaura Ammón cai shimicunata nishcajpi, paipaj huauqui Aarón jarcashpa rimarca, nishpa: Ammón, ñuca manllani quiquinba cushijui ninan jariyaiman apanman.

11 Ashtahuangari Ammón nirca: Ñuca na ñuca propio ushaipi ninanda jariyani, ñuca propio yachaipipash; ashtahuangari riqui, ñuca cushijui tucuilla can, ari, ñuca shungu cushijuihuan junda can, ñuca Diospi cushijushapash.

12 Ari, ñuca yachani ñuca imapash na canita; ñuca fuerzapaca ñana shinlli cani; chaimanda ñucamandallata na ninanda jariyashachu, ashtahuangari ñuca ninanda jariyasha ñuca Diospi, paipaj fuerzapi ñuca tucui cuzascunata rurai ushani; ari, riqui, tauca jatun juyailla ruraita ricuchinacunata rurashcanchi cai alpapi, caicunamanda paipaj shutita alabashun mana tucurinacaman.

13 Riqui, mashna tauca huaranga ñucanchi huauquicunata pai cacharichishca ucu pacha llaquicunamanda; paicuna apamui tucushca can cantangapa juyai jatun causachi, cai can paipaj shimipaj ushaimanda imami ñucanchipi can, chaimanda ñucanchi imamanda cushijunata nachu charinchi?

14 Ari, ñucanchi paita imamanda alabanata charinchi mana tucurinacaman, pai can Ninan Jahua Jahua Pacha Dios, ñucanchi huauquicunata cacharichishcapash can ucu pachapaj huatashcacunamanda.

15 Ari, paicuna muyushca carca mana tucurina yanallahuan tucurinahuanbash; ashtahuangari riqui, paicunata apamushca paipaj mana tucurina michaman, ari, mana tucurina quishpirinaman; paicuna muyushca can na pajtaita carashcapacha juyaihuan; ari, ñucanchi cashcanchi imatapash rurangapa paipaj maquicunapi cai jatun juyailla ruranapi.

16 Chaimanda, cushijushunchi, ari, ñucanchi Apunchijpi cushijushunchi; ari, ñucanchi cushijushun, ñucanchipaj cushijui tucuilla can; ari, ñucanchipaj Diosta alabashun mana tucurinacaman. Riqui, pita ashtacatapacha cushijuita ushan Apunchijpi? Ari, pita ni ushan ashtacatapacha paipaj jatun ushaimanda, paipaj llaquimanda, longanimidadmanda runacunapaj huahuacunaman? Riqui, cangunaman nini, ñuca ni ashagutallapash na ni ushani imashna ñuca sentini.

17 Pita yuyai ushanman carca ñucanchi Dios shina llaquij cajta ñucanchita anchuchingapa manllanayai juchayu, na ali canamanda?

18 Riqui, ñucanchi llujshishpa rircanchi fiñaihuan, paipaj iglesiata usharishcata tucuchisha yuyaicunahuan.

19 Oh shina, imashpashi ñucanchita na saquirca shuj manllanayai tucuchita, ari, imashpashi na saquirca paipaj alicaipaj espada ñucanchipi urmachun, condenaitapash mana tucurina desesperaciónman?

20 Oh, ñuca alma, ñalla shina rirca, ñaja nishcata yuyashpa. Ashtahuangari, paipaj alicaita ñucanchipi na churarca, ashtahuangari, paipaj jatun alicaipi ñucanchiman apamushca mana tucurina huañuipaj huaicu llaquinayaimandapash, ñucanchipaj almacunata quishpichingacaman.

21 Cunan riqui, ñuca huauquicuna, ima natural runata tian cai cuzascunata yachaj? Cangunaman nini, pipash na tian cai cuzascunata yachaj, ashtahuangari arrepentiringapa munanajujcuna.

22 Ari, pi arrepentirijta feta churajpash, ali ruraicunata apamujtapash, catilla achil mañajtapash na shaijushpa—shinaman cushca can Diospaj na villashcacunata yachachun; ari, shinaman cushca canga cuzascunata achil rijsichichun imacunata nimaura na achil rijsichishcata; ari, shinaman cai cushca canga apamuchun huaranga almacunata arrepentirichun, imashna ñucanchiman cushca ñucanchi apamuchun cai ñucanchipaj huauquicunata arrepentirichun.

23 Cunan nachu yaringuichi, ñuca huauquicuna, ñucanchi huauquicunaman Zarahemlapaj alpapi nircanchita, ñucanchi vichai rijujta Nefipaj alpaman, ñucanchi huauqui Lamanitacunaman yachachingapa, paicuna ñucanchita asishpa ricurca?

24 Ñucanchita nirca: Yuyanguichichu Lamanitacunata apamui ushajta ciertopachata yachanaman? Yuyanguichichu Lamanitacunata crichi ushajta pandata paicunapaj punda taitacunapaj yachachishcacunata, imashna na cazuj llactapuracuna paicuna can; paicunapaj shungucuna cushijun yahuarta jichaipi; paicunapaj punllacunata yalishca napacha ali ruraicunapi; paicunapaj ñanguna cashca shuj na ali rurajpaj ñanguna callarimanda? Cunan ñuca huauquicuna, yarichi cai carca paicunapaj shimi rimaicuna.

25 Ashtahuanbash paicuna nirca: Japishunchi macanajunacunata paicunapaj contra, ñucanchi tucuchingapa paicunapaj na ali ruraicunatapash alpamanda, ñucanchipaman shamuipapash tucuchipapash.

26 Ashtahuangari riqui, ñuca juyashca huauquicuna, ñucanchi shamushcanchi jichushca pambaman na ñucanchi huauquicunata tucuchingapa munashpa, ashtahuangari munashpa imashpapash ñucanchi quishpichi ushaipapash canchi huaquin paicunapaj almacunata.

27 Cunan imaura ñucanchi shungucuna llaqui cashcajpi, huashaman tigragrinajujpi, riqui, Apunchijca cushichirca, nircapash: Ri quiquinba Lamanitacuna huauquicunapaman, pacienciahuan yalichi llaquicunata, ñuca cushami éxitota.

28 Cunan riqui, ñucanchi shamushcanchi, paicunapaman rishcanchi; ñucanchi paciente cashcanchi ñucanchi llaquiricunapi, tucui laya minishtishcacunata na chasquishcanchi; ari, huasin huasin purishcanchi, cai pachapaj alicaita shuyashpa—na cai pachapaj alicaitalla ashtahuangari Diospaj alicaita.

29 Huasicunaman yaicushcanchi yachachishcanchipash, paicunapaj ñangunapipash yachachishcanchi; ari, uchilla urcucunapipash yachachishcanchi; paicunapaj achil huasicunamanbash yaicushcanchi, tandanajuna huasicunamanbash, yachachishcanchipash, shitai tucushcanchi, asishpa ricui tucushcanchi, tʼucai tucushcanchi, ñavicunapi huajtai tucushcanchi; rumihuan pigai tucushcanchi, japishpa cabiacunahuan huatashpa, cárcelman shitashcapash; Diospaj ushaihuan yachaihuanbash cutin cacharishca canchi.

30 Ñucanchi tucui laya llaquicunata yalishcanchi, cai tucui, imashpapash cai ushanchiman imashna huaquin almata quishpichingapa; ñucanchi yuyanchi ñucanchipaj cushijui tucuilla canga imashpapash taucacunata quishpichi ushashpa.

31 Cunan riqui, ñucanchi ricui ushanchi ricunchipash ñucanchi rurashcacunapaj catijcunata; paicuna ashallachu can? Cangunaman nini, Na, paicuna taucacuna can; ari, paicunapaj ciertopachapaj testigocuna canchi, paicunapaj juyaimanda paicunapaj huauquicunata ñucanchitapash.

32 Riqui, paicunapaj na ricunayachijcunapaj causaita quichuna randi paicunapaj causaicunata sacrifican; paicunapaj macanajunacunata alpa ucu ucupi pambashca, paicunapaj huauquicunata juyaimanda.

33 Cunan riqui cangunaman nini, tiashcachu ashtahuan jatun juyai tucui alpapi? Riqui, cangunaman nini, Na, na tiashca, Nefitacunapipash na tiashca.

34 Riqui, paicuna japinman macanajunacunata paicunapaj huauquicunapaj contra; paicunata ama huañuchichun saquingapa. Ashtahuangari riqui caicunamanda mashnata paicunapaj causaicunata saquishca; ñucanchi yachanchi paicuna rishca paicunapaj Diospaman, paicunapaj juyaimanda juchata na ricunayachimanda.

35 Cunan imamanda cushijunata nachu charinchi? Ari, cangunaman nini, imaura runacuna na charishcachu shina jatun imamanda cushijunata ñucanchishna, cai pacha callarishcamanda; ari, ñuca cushijui apashca, ñuca Diospi cushijuicaman; pai charin tucui ushaita, tucui yachaita, tucui yachajuita, pai yachan tucui cuzascunata, pai llaquij Causaj can, quishpichingacaman, maijangunaman picuna arrepentirijpi paipaj shutipi crijpi.

36 Cunan cai jariyai cajpica, jariyashapashmi; cai can ñuca causai ñuca micha, ñuca cushijui ñuca quishpirina, mana tucurina llaquimanda ñuca jatun causachina. Ari, achilyachishca cachun ñuca Diospaj shuti, pimi ricushca cai llactapuracunata, pimi Israelpaj yuramanda shuj malqui can, troncomanda chingashca na rijsi alpapi; ari, ñuca nini, achilyachishca cachun ñuca Diospaj shuti, pimi ñucanchita ricushca, na rijsi alpapi yanga puricuna.

37 Cunan ñuca huauquicuna, ñucanchi ricunchi Dios tucui llactapuracunata yuyarij can, maijan pambacunapi cajpipash; ari, paipaj llactapuracunata pai yupashpa charin, paipaj ali shungu tucui alpacunapi can. Cunan cai can ñuca cushijui, pagui nisha ñuca Diosta mana tucurinacaman. Shinacapashcachun.