1 Yalishca jipa Amalekitacuna, Amulonitacuna, Lamanitacunapash Amulónpaj alpapi cajcuna, Helampaj alpapipash, Jerusalénpaj alpapi cajcunapash, tucuripipash, tucui muyundi alpacunapi, maijan na tigrashca Anti-Nefi-Lehipaj shutita na apajcuna, Amalekitacuna, Amulonitacunapash fiñanajuiman tangaj shina carca paicunapaj huauquicunahuan.

2 Paipuracuna na ricunayachicuna ninanda mirarca, shinashpa paicunapaj jatun mandajta na cazui callarirca, shinashpa paicunapaj jatun mandaj cachun ñana munarca; chaimanda, paicuna macanajunacunata japirca Anti-Nefi-Lehipaj llactapuracunapaj contra.

3 Cunan jatun mandaj reinota paipaj churima curca, shutichirca Anti-Nefi-Lehi.

4 Jatun mandaj chai huatallata huañurca Lamanitacuna Diospaj llactapuracunahuan macanajungapa imata rurai callarirca.

5 Cunan imaura Ammón paipaj huauquicunapash tucui maijanguna paihuan shamushcacuna ricurca imata ruranajujta Lamanitacuna paicunapaj huauquicunata tucuchingapa, Midiánpaj alpaman rirca, chaipi Ammón paipaj tucui huauquicunata tuparca; chaimanda paicuna rirca Ismaelpaj alpaman Lamonihuan tandanajuita charingapa paipaj huauqui Anti-Nefi-Lehihuambash, imata rurarijta Lamanitacunamanda mitsaringapa.

6 Cunan nishuj alma na tiarca Apunchijpaman tigrarishcacunamanda maijan paicunapaj huauquicunahuan macanajunacunata japingapa munaj; na, nimata na ruranajurca macanajungapa; ari, paicunapaj jatun mandajpash mandarca ama rurachun.

7 Cunan, cai carca shimicuna imata llactapuracunaman caicunamanda nirca: Ñuca Diosta pagui nini, ñuca juyashca llactapuracuna, ñucanchi jatun Dios alicaimanda cai ñucanchi huauquicunata cachashca cai ñucanchipaj huauquicunata, Nefitacunata, ñucanchita yachachichun, ñucanchita crichichun ñucanchipaj na alita ruraj taitacunapaj punda ruraicunata.

8 Riqui, pagui nini ñuca jatun Diosta paipaj asha Espírituta cushca ñucanchi shungucuna amujyachun, chaimanda callarishcanchi ali rijsicuna cangapa ñucanchi huauquicunahuan, Nefitacuna.

9 Riqui, pagui nini ñuca Diosta cai rijsiricuna callarishcamanda, ñucanchi crishcanchi ñucanchi juchacunamanda, tauca huañuchicunata rurashca caimandapash.

10 Pagui ninipash ñuca Dios, ari, ñuca jatun Dios, pai saquishca ñucanchi cai cuzascunamanda arrepentirichun, pai perdonashcapash ñucanchipaj tauca juchacunata huañuchishcacunatapash imacunata ñucanchi rurarcanchi, ñucanchi shungucunamanda juchachita apashcapash, paipaj Churipaj ali ruraicunamanda.

11 Cunan riqui, ñuca huauquicuna, shinashpa cai tucui cashcamanda ñucanchi rurai ushanchi (imashna ñucanchi ashtahuan chingachishca canchi tucui runacunamanda) arrepentiringapa tucui ñucanchi juchacunamanda tauca huañuchicunamanda imata ñucanchi rurashcanchi, Diosmanda chasquingapa ñucanchi shungucunamanda anchuchichun, imashpa cai carca tucui ñucanchi rurai ushai shinalla arrepentiringapa Diospaj ñaupapi pai ñucanchi mapata anchuchichun—

12 Cunan, ñuca ashtahuan juyashca huauquicuna, Dios ñucanchi mapacunata anchuchishcamanda, ñucanchi espadacuna punchallaman tigrarca, shina ñucanchi espadacuna ama ashtahuan mapayachishun ñucanchi huauquicunapaj yahuarhuan.

13 Riqui, cangunaman nini, Na, charishun ñucanchi espadacunata caicuna ama mapayachun ñucanchi huauquicunapaj yahuarhuan; imashpapash, cutin ñucanchi espadacunata mapayachishpaca ashtahuan na punchalla tajshashca cangachu ñucanchi jatun Diospaj Churipaj yahuarhuan, maijan jichashca canga ñucanchi juchacunamanda huañuchun.

14 Jatun Diosca ñucanchimanda llaquishca, cai cuzascunata ñucanchiman yachachishca ama ñucanchi tucurichun; ari, ñucanchiman yachachun cushca cai cuzascunata ñaupashpa, imashpa ñucanchi almacunata juyaimanda ñucanchi huahuacunatapash pai juyan; chaimanda, paipaj llaquimanda paipaj ángelcunahuan ricuj shamushca, quishpiringapaj imata ruranata ñucanchiman yachaj chayachishca imashna cati jipa miraicunamanbash.

15 Oh, imashna llaquij can ñucanchi Dios! Cunan riqui, ashtaca shinlli cashca ñucanchipaj mapacunata anchuchichun, ñucanchipaj espadacuna punchalla cachun, caicunata pacashun punchalla alichishca cachun, shuj testimonio cachun ñucanchi Diosman chai tucuri punllapi, nacashpa chai punlla ñucanchi paipaj ñaupaman apaitucushun ricushpa chasquichishca cangapa, ñucanchi na mapayashca charinchi ñucanchi espadacunata ñucanchi huauquicunapaj yahuarpi imaura paipaj achil shimita ñucanchiman carashcamanda ñucanchita maillashcamandapash.

16 Cunan, ñuca huauquicuna, ñucanchi huauquicuna tucuchingapa munajpica, riqui, ñucanchipaj espadacunata pacashun, ari, alpa ucupi pambashunbash, caicuna punchalla alichishca cachun, testimonio cachun ñucanchi nimaura caicunata japishcata, chai tucuri punllapi; ñucanchi huauquicuna tucuchijpica, riqui, ñucanchi Diospaman rishun quishpirishca cashun.

17 Cunan yalishca jipa imaura jatun mandaj cai parlaicunata tucuchijpi, tucui llactapuracuna tandanajushca carca, paicunapaj espadacunata japirca, tucui macanajunacunata charij carca runacunapaj yahuarta jichangapa, caicunata pambarca alpa ucupi.

18 Caita paicuna rurarca, paicunapaj ricuipica Diosman shuj testimonio cajta, runacunamanbash, paicuna nimaura macanajunacunata cutin japingapa runacunapaj yahuarta jichangapa; caita rurarca, nishpapacha Dios-huan achil pactachishpa, paicunapaj huauquicunapaj yahuarta jichana randi paipaj propio causaicunata cungapa; shuj huauquita quichuna randi paicuna curinga; paicunapaj punllacunata nimata na rurashpa cana randi ninanda trabajangapa paicunapaj maquicunahuan.

19 Shina ñucanchi ricunchi, imaura cai Lamanitacuna apamushca carca crichun ciertopachata yachachun, paicuna shinllicuna carca, huañuitapash yalirca juchata rurana randi; shina ñucanchi ricunchi paicunapaj sumaj causanapaj macanajunacunata pambarca, nacashpa macanajunacunata pambarca, sumaj causaipa.

20 Yalishca jipa paicunapaj huauquicuna, Lamanitacuna, macanajungapa ruraicunata callarirca, Nefipaj alpaman shamurca jatun mandajta tucuchingapa munashpa, paipaj pushtupi shujta churangapa, Anti-Nefi-Lehi llactapuracunatapash tucuchingapa tucui alpacunapi.

21 Cunan imaura llactapuracuna ricushpa paicunapaj contra shamunajujta paicunata tuparigrirca, paicunapaj ñaupapi cungurirca alpacaman, Apunchijpaj shutita mañai callarirca; shina caita rurajpi Lamanitacuna macanajui callarirca, paicunapaj espadahuan huañuchi callarirca.

22 Shina nima shinlliyaita na tupashpa, huaranga pichacunata huañuchirca; ñucanchi yachanchi paicuna achilyachishca can, imashpa paicunapaj Dios-huan causangapa rirca.

23 Cunan imaura Lamanitacuna ricurca paicunapaj huauquicuna espadamanda na calparca, ali ladoman lluqui ladomanbash na rirca, ashtahuangari paicuna chutarirca huañurcapash, Diosta adorashpa espadahuan huañunajushpapash—

24 Cunan imaura Lamanitacuna ricushpa caita paicunata huañuchinata jarcarirca; taucacuna tiarca picunapaj shungucuna llaquirishca carca paicunapaj huauquicunamanda picuna espadahuan urmashca carca, imashpa paicuna arrepentirirca ima cuzascunata paicuna rurashcamanda.

25 Yalishca jipa paicunapaj macanajunacunata shitarca, cutin ama japingapa, huañuchishcacuna ninanda llaquichinajurca imata paicuna rurashca carca; paicunapaj huauquicuna laya cungurirca, llaquijta confiashpa maijanguna rigracunata alsashca cajta paicunata huañuchingapa.

26 Yalishca jipa Diospaj llactapuracuna tandanajurca chai punlla huañuchishcacunata yali; huañushcacuna ali runacuna carca, chaimanda na dudanchi ashtahuangari paicuna quishpirishca cajta.

27 Na ali runa paicunamanda na huañushca tiarca; ashtahuangari ashtahuan tiarca huaranga ciertopacha yachachun apamushcacuna; shina ñucanchi ricunchi Apunchijca tauca layapi ruran paipaj llactapuracunata quishpichingapa.

28 Cunan Lamanitacunamanda ashtacapacha carca maijanguna paicunapaj huauquicunata huañuchirca Amalekitacuna, Amulonitacunapash, yupanacuna ashtacapacha carca picunamanda Nehorcunapaj layapi catishca.

29 Cunan, Apunchijpaj llactapuracunaman tandanajushcapi nishuj Amalekitacuna, Amulonitacunapash na carcachu, nacashpa Nehorpaj catijcuna, ashtahuangari paicuna Lamánpaj, Lemuelpaj cunanbi miraicuna carca.

30 Shina ñucanchi punchalla yachanchi, llactapuracunata Diospaj Espírituhuan punchalla yuyaipi chasquichishca jipa, ali rurana cuzascunamanda jatun yachaita charishca cashpa, shina juchacunapi na ali rurashpa urmashpa, paicuna ashtahuan shinllicunaman tigran, shina paicuna cai ashtahuan na alicuna can nima cuzasta na yachashcashna.