1 Oh ñuca shuj ángel cashpaca, ñuca shungupaj shuj munaita carajpica, ñaupaman rishpa Diospaj trompetahuan parlachun, alpata chujchuchij shimihuan, caparishpa yachachisha arrepentimientota tucui llactapuracunaman!

2 Ari, villaiman tucui almacunaman, culun nina shimihuanshna, arrepentimientota jatun causachinapaj plandapash, paicuna arrepentirina cajta ñucanchi Diospaman shamuchunbash, ashtahuan llaquiri ñana tiachun tucui alpa jahuapi.

3 Ashtahuangari riqui, ñuca shuj runa cani, juchata rurani ñuca munaipi; cushijushca cana cani cuzascunahuan imata Apunchij carahuashca.

4 Na jarcana cani ñuca munaicunapi shina cana shuj ali Diospaj mandashcata, imashpa ñuca yachani pai caran runacunaman paicunapaj munaita, huañuipa cajpi nacashpa causaipa cajpipash; ari, ñuca yachani pai caran runacunaman, ari, paicunaman mandan mandashcacunata maijan na shujman tigranallacuna can, paicunapaj munaicunamanda, paicunapaj quishpirinapa cachun nacashpa paicunapaj tucuchinapa cachun.

5 Ari, yachani alipash na alipash tucui runacunapaj ñaupaman chayamushca can; maijan alita na alimanda na yachai ushajca inocente can; ashtahuangari maijan alita na alitapash yachai ushajca paiman cushca canga paipaj munashcata, alita munajpipash nacashpa na alita munajpipash, causaita nacashpa huañuita, cushijuita nacashpa yuyaipaj llaquiyaicunahuan.

6 Cunan, ricuimanda ñuca yachanita cai cuzascunata, imashpata ñuca munani ashtahuan ruraita trabajota imapa ñuca cayai tucushca cani?

7 Imashpata ñuca munani shuj ángel cangapa, ñuca parlai ushangapa tucui alpa tucurinacunacaman?

8 Riqui, Apunchij saquin tucui jatun llactacunaman, paicunapaj propio jatun llactamanda, shimi rimaimandapash, yachachichun cai achil shimita, ari, yachaihuan, tucui alita cajta ricushpa chasquichun, paicuna chari ushachun; chaimanda ñucanchi ricunchi Apunchijca yachaipi consejan, ima ali, ciertopacha cajtapash.

9 Ñuca yachani Apunchij ñucaman imata mandashcata, caipi cushijunipash. Ñucamandalla na cushijunichu, ashtahuangari cushijuni imata Apunchij ñucaman mandashcamanda; ari, cai ñuca cushijui can, imashpapash Diospaj maquicunapi shuj imatalla rurangapa caipapash cani huaquin almacunata arrepentimientoman apamungapa; caimi ñuca cushijui can.

10 Riqui, imaura ñuca ricushpa ñuca tauca huauquicuna ciertopacha arrepentiringapa munanajujta, paicunapaj Dios Apunchijpaman shamujta shina ñuca alma cushijui jundashca can; shina yarini imata Apunchij ñucamanda rurashcata, ari, pai ñuca achil mañashcata uyashcatapash; ari, shina yarini paipaj llaquij rigrata imata ñucapaman chutashca carca.

11 Ari, yarinipash ñuca taitacunapaj huatai tucushcashnata; imashpa ñuca ciertopacha yachani Apunchij paicunata huatai tucushcashnamanda cacharichirca, shina paipaj iglesiatapash shayachirca; ari, Apunchij Dios, Abrahampaj Dios, Isaacpaj Dios, Jacobpaj Diospash, paicunata huatai tucushcashnamanda cacharichirca.

12 Ari, ñuca punllan punllan yarishcani ñuca taitacunapaj huatai tucushcashnata; chai Diosllata pimi paicunata cacharichirca Egipciocunapaj maquicunamanda, cacharichirca huatai tucushcashnamanda.

13 Ari, chai Diosllata paipaj iglesiata paicunaman shayachirca; ari, chai Diosllata ñucata cayahuarca achil cayaihuan, achil shimita cai llactapuracunaman yachachichun, cuhuashca ashtaca éxitotapash, imapi ñuca tucuillapacha cushijui.

14 Ashtahuangari, ñuca propio éxitopilla na cushijunichu, ashtahuangari ñuca cushijui ashtahuan junda can ñuca huauquicunapaj éxitomanda, picuna Nefipaj alpaman vitsiamushca.

15 Riqui, paicuna ninandapacha trabajashca, ashtaca fucuchishcapash; mashna jatun canga paicunapaj randi chasquina!

16 Cunan, imaura ñuca yuyaipi charini ñuca huauquicunapaj éxitomanda ñuca alma caruman apaitucun, ñuca cuerpomanda anchurinshnalla, shina jatun ñuca cushijui can.

17 Cunan Dios saquishcanman cai, ñuca huauquicuna, Diospaj reinopi tiarichun; ari, tucui paicunapaj trabajashca fucushcacunatapash paicuna ama llujshichun, ashtahuangari paita alabachun mana tucurinacaman. Dios saquishcanman cai rurashca cachun ñuca shimicunamanda, imashna parlashcani. Shinacapashcachun.