1 Cunan yalishca jipa Ammónpaj llactapuracuna Jersón alpapi causai callarirca, shuj iglesiatapash shayachirca Jersón alpapi, Nefitacunapaj macanajuj runacuna Jersón alpa muyundipi carca, ari, Zarahemla alpa tucui muyushca manñacunapi; riqui Lamanitacunapaj macanajuj runacuna catishca carca paicunapaj huauquicunata jichushca pambapi.

2 Shina shuj jatunbacha macanajui tiarca; ari, shinapacha nimaurapash na yachashca tucui llactapuracunapi cai alpapi imaura Lehi Jerusalénmanda llujshimushcamanda; ari, huaranga huaranga Lamanitacuna huañuchishca carca caiman chaiman chajchui tucushpapash.

3 Ari, tiarcapash jatunbacha huañuchi Nefipaj llactapuracunapi; shina cajpipash, Lamanitacuna calpachishca carca caiman chaiman chajchui tucushcapash, Nefipaj llactapuracuna cutin paicunapaj alpaman tigramurca.

4 Cunan cai punllacunapi tiarca jatun quijaricuna huacaicunapash cai uyarirca tucui alpacunapi, Nefipaj tucui llactapuracunapi—

5 Ari, cusa huañushca huarmicunapaj huacaicuna paicunapaj cusacunamanda quijaricuna, taitacunapaj quijaricunapash paicunapaj churicunamanda, ushi turimanda, ari, huauqui taitamanda; shina quijarishpa huacaicuna uyashca carca tucuicunapi, quijarishpa paicunapaj aillucunamanda picuna huañuchishca carca.

6 Cunan ciertopacha cai carca llaquinayai punlla; ari, solemnidad punlla, ashtaca ayunana punlla achil mañanapash.

7 Shina tucurirca chunga picha huata ricushpa chasquichijcunapaj reinado Nefipaj llactapuracunata.

8 Cai can Ammónpaj paipaj huauquicunapaj tandachishpa quilcashca, Nefipaj alpacunapi purishcacunata, alpapi llaquiricuna, paicunapaj llaquiricuna, llaquicunapash, paicunapaj na yachai ushai cushijui, paicunapaj huauquicunata chasquina ali ricuriana Jersón alpapi. Cunan Apunchij, tucui runacunapaj Jatun Causachij, paicunapaj almacunata achilyachichun mana tucurinacaman.

9 Cai can macanajuicunamanda tandachishpa quilcashca Nefitacunapaj plituricuna, Nefitacunahuan Lamanitacunahuan macanajuicunapash; chunga picha huata ricushpa chasquichijcunapaj reinado tucurishcapash can.

10 Callari huatamanda chunga picha huatacaman yalichun apamushca can tauca huaranga causaicunata tucuchinata; ari, yalichun apamushca can manllanayai yahuar jichanapaj ricuicunata.

11 Tauca huarangacunapaj cuerpocuna alpa ucupi pambashcacuna can, tauca huarangacunapaj cuerpocuna alpa jahuapi ashnayanajun; ari, tauca huarangacuna paicunapaj aillucuna chingarishcamanda quijarinajun, imamanda manllaita charimanda, Apunchij nishcapachashna, condenai tucushca caimanda mana tucurina llaqui canaman.

12 Tauca cutishuj huarangacuna ciertopacha quijarinajun paicunapaj aillucuna chingarishcamanda, shina cashpapash paicuna cushijun ninanda cushijunbash shuyaipi, yachashpapash, Apunchij nishcapachashna, paicuna jatarishca can causangapa Diospaj ali ladoman, nimaura na tucurina cushijui canapi.

13 Shina ñucanchi ricunchi jatun imashna runacunapaj na igualcanata juchamanda na ali ruraimandapash, ayapaj ushai, imami shamun yachashca umachinacunahuan imata ruranacunamanda pai charin runacunapaj shungucunata tujllangapa.

14 Shina ñucanchi ricunchi jatun utsiallapaj runacunapaj cayaita Apunchijpaj uvas chagrapi trabajana; shina ñucanchi ricunchi jatun imamanda llaquirina, cushijunamandapash—llaqui huañuimanda tucuchinamandapash runacunapi, cushijui Cristopaj michamanda causaipa.