1 Yalishca jipa Amulek cai shimicunata tucuchishca jipa, paicunallata ashtacapacha tandanajushcacunamanda chaupirishpa rirca Jersón alpacunaman.

2 Ari, huauquicunamanda puchushcacuna, Zoramitacunaman achil shimita yachachishca jipa, Jersón alpacunaman chayamurca.

3 Yalishca jipa Zoramitacunapaj ali rijsishcanuna paicunaman yachachishca shimicunamanda paicunapura tapurishca jipa, paicuna fiñashca carca achil shimicunamanda, cai paicunapaj supercheríata tucuchirca; chaimanda shimicunata na uyangapa munarca.

4 Paicuna cacharca tucui llactapuracunata tucui alpacunamanda, paicunahuan tapuringapa parlashca shimicunamanda.

5 Cunan paicunapaj mandajcuna, paicunapaj sacerdotecunapash, paicunapaj yachachijcunapash llactapuracunaman paicunapaj munaicunata yachachun na saquirca; chaimanda paicuna pacalla na saquirca tucui llactapuracunapaj yuyaicunata.

6 Yalishca jipa paicuna tucui llactapuracunapaj yuyaicunata yachashca jipa, maijanguna alicachirca imata Alma, paipaj huauquicunahuan yachachishca shimicunata alpamanda shitashca carca; paicuna taucacuna carca; paicunapash Jersón alpaman shamurca.

7 Yalishca jipa Alma, paipaj huauquicunahuan paicunata achil yachachirca.

8 Cunan Zoramitacunapaj llactapuracuna Ammónpaj llactapuracunata ninanda fiñashca carca picuna Jersónpi carca, Zoramitacunapaj mandajcunapaj yali mandaj, ninan na ali ruraj runa caimanda, Ammónpaj llactapuracunaman cacharca paicunapaj mañaita paicunata shitachun paicunapaj alpacunamanda tucui picuna chai alpaman shamujcunata.

9 Tauca ricungui nishpa manllachirca paicunata. Cunan Ammónpaj llactapuracuna paicunapaj shimicunata na manllarca; chaimanda na calpachirca, ashtahuangari tucui Zoramitacunapaj huajchacunata chasquirca paicunapaman shamujpi; paicunaman micuchirca, paicunata churachirca, curcapash alpacunata paicuna chasquichun; paicuna minishtishcacunata ricuchun paicuna munaicunamanda.

10 Cunan cai Zoramitacunata tangaj shina fiñachirca Ammónpaj llactapuracunapaj contra, paicuna Lamanitacunahuan chapuri callarirca paicunatapash tangaj shina fiñachingapa paicunapaj contra.

11 Shina Zoramitacuna, Lamanitacunapash imatapash rurai callarirca Ammónpaj llactapuracunahuan macanajungapa, Nefitacunahuanbash.

12 Shina tucurirca chunga canchis huata ricushpa chasquichijcunapaj reinado Nefipaj llactapuracunapaj jahuapi.

13 Ammónpaj llactapuracuna Jersón alpacunamanda llujshishpa, Melek alpaman shamurca, Nefitacunapaj macanajuj runacunaman Jersón alpapi shuj pushtuta curca, paicuna macanajuchun Lamanitacunapaj macanajuj runacunahuan, Zoramitacunapaj macanajuj runacunahuanbash; shina macanajui callarirca Lamanitacuna Nefitacunahuan, chunga pusaj huata ricushpa chasquichijcunapaj reinadopi; paicunapaj macanajuicunamanda tandachishpa quilcashcacuna jipaman cushca canga.

14 Alma, Ammónpash, Almapaj ishcai churicunapash Zarahemla alpacunaman tigrarca, Diospaj maquicunapi imatapash rurachun cashca jipa tauca Zoramitacuna arrepentimientoman apamungapa; imashna tauca arrepentimientoman apamushca carca paicunapaj alpamanda llujchi tucurca; paicuna charin alpacunata chasquinata Jersón alpapi; paicuna macanajunacunata japircapash huacaichingapa, paicunapaj huarmicunata, huahuacunata, paicunapaj alpacunatapash.

15 Cunan Alma, paipaj llactapuracunapaj na ali ruraicunamanda llaquirishca cashpa, ari macanajuicunamanda, yahuarta jichaimanda, plituricunapash paipuracunapi tiajpi; achil shimita villashca cashpa, nacashpa achil shimita villachun cachashcapash, tucui llactapuracunaman tucui llactacunapi; ricuimanda llactapuracunapaj shungucuna shinlliyai callarijta, paicuna ofenderi callarirca achil shimipaj ruranapacha caimanda, paipaj shungu ninanda llaquirishca carca.

16 Chaimanda, paipaj churicunata tandanajuchirca, paicunaman cungapa shujllangaman paipaj ruranata, shican shican, ali rurana cuzascunamanda. Ñucanchi charinchi shuj tandachishpa quilcashcata paipaj rurachunbacha saquishcacunata, imata pai curca paipaj propio quilcashcamanda.