1 Cunan yalishca jipa Alma Gedeón alpamanda tigramurca, yachachishca jipa Gedeón llactapuracunaman tauca na quilcai ushanata cuzascunata, iglesiapaj ordenda shayachishca cashpa, Zarahemla alpapi punda rurashcashna, ari, pai tigrarca paipaj propio huasi Zarahemlaman samangapa rurashcacunamanda imacunata rurashca carca.

2 Shina tucurirca iscun huata ricushpa chasquichijcunapaj reinado Nefipaj llactapuracunapa jahuapi.

3 Yalishca jipa Nefipaj llactapuracunata chunga huata ricushpa chasquichijcunapaj reinado callaripi, Alma chaimanda llujshirca Melekpaj alpaman rirca, Sidón jatun yacupaj indi huashajuj ladoman, jichushca pamba manñaman indi huashajuj ladoman.

4 Melekpaj alpapi llactapuracunaman yachachi callarirca Diospaj achil ordenmanda, caihuan cayai tucushca caimanda; tucui Melekpaj alpacunapi llactapuracunata yachachi callarirca.

5 Yalishca jipa llactapuracuna paipaman shamurca tucui alpacunapaj manñacunamanda maijan jichushca pamba ladopi carca. Paicuna tucui alpacunapi bautizarishca carca.

6 Shina paipaj ruraita Melekpi tucuchishca cashpa pai chaimanda llujshirca, quimsa punllacunata purirca Melekpaj alpamanda vichaiman; pai shuj llactaman shamurca maijan Ammoníah shutichishca carca.

7 Cunan Nefipaj llactapuracunapaj costumbre carca shutichina paicunapaj alpacunata, llactacunata, uchilla llactacunata, ari, tucui uchilla llactacunatapash, maijan callari mishashcapaj shutihuan; shina cai Ammoníahpaj alpahuan carca.

8 Yalishca jipa imaura Alma Ammoníahpaj llactaman chayamushpaca paicunaman Diospaj shimita yachachi callarirca.

9 Cunan Satanás Ammoníah llactapi causajcunapaj shungucunata ninandapacha mishashca carca; chaimanda Almapaj shimicunata na uyangapa munarca.

10 Shina cajpipash Alma espíritupi ninanda trabajarca, Diosta ninanda mañashpa ninan achil mañaipi, paipaj espírituta jichachun llactapuracunaman picuna llactapi carca; paicuna arrepentimientopa pai bautizachun saquichunbash.

11 Shina cajpipash, paicunapaj shungucunata shinlliyachirca, nishpa: Riqui, ñucanchi yachanchimi quiquin Alma cajta; yachanchipash sumo sacerdote cajta iglesiapaj imata shayachishcangui alpapaj tauca pushtucunapi, quiquinba punda ruraimanda; ñucanchi na quiquinba iglesiapaj canchichu, ñucanchi shinapacha juizu illa punda ruraicunapi na crinchipashchu.

12 Cunan ñucanchi yachanchi quiquinba iglesiapaj na caimanda yachanchimi ñucanchi jahuapi nima ushaita na charinguichu; Nefíahman ricushpa chasquichina jatun tiarinata cushcangui; chaimanda quiquinga ricushpa chasquichijcunapaj yalishca mandaj ñucanchipa na canguichu.

13 Cunan imaura llactapuracuna caita nijpica, tucui paipaj shimicunata shinlliyajpi, paita plitujpi, paita tʼucajpi, paicunapaj llactamanda shitajpi, chaimanda llujshirca rircapash llactaman maijan Aarón shutichishca carca.

14 Yalishca jipa pai chaiman rijujpi, llaquirinahuan llashachishca cashpa, ashtaca llaquicunata yalijushpa almapaj llaquicunatapash, Ammoníah llactapi causajcunapaj na ali ruraicunamanda, cai yalishca carca Alma llaquirinahuan llashachishca cajpi, riqui Apunchijpaj shuj ángel ricurimurca, nishpa:

15 Achilyachishca cangui, Alma; chaimanda, quiquinba umata vichai alsai cushijuipash, ashtacata charingui imamanda cushijungapa; fiel cashcangui Diospaj rurachunbacha saquishcacunata alichingapa paimanda callari villaita chasquishca punllamanda. Riqui, ñuca cani pimi canman villarcani.

16 Riqui, cachamushca cani mandangapa Ammoníah llactaman tigrachun, llactapi causajcunaman cutin yachachichun; ari, paicunaman yachachi. Ari, paicunaman ni, paicuna na arrepentirijpica Apunchij Dios paicunata tucuchingami.

17 Riqui, paicuna cunanllata quiquinba llactapuracunapaj libertadta tucuchingapa mascanajun, (imashpa Apunchijca shina nin) caicuna catichun saquishcacunapaj contra can, ricushpa chasquichinacunapapash, rurachunbacha saquishcacunapapash imata pai paipaj llactapuracunaman cushca can.

18 Cunan yalishca jipa Alma chasquishca jipa paipaj villaita Apunchijpaj ángelmanda ñapash Ammoníah alpaman tigrarca. Llactaman yaicurca cutishuj ñanda, ari, Ammoníah llactapaj urai ladopi caj ñanda.

19 Llactaman yaicushpa yarjachirca, shuj runata nirca: Carai ushanguichu ima micunatapash Diospaj shuj humilde sirvijman?

20 Runaca paita nirca: Ñuca cani shuj Nefita, yachanipash quiquinga Diospaj shuj santo achil villachij cangui, quiquin cangui chai runa pimanda shuj ángel achil muscuipi nihuarca: Quiquin chasquingui. Chaimanda, ñucahuan jacu ñuca huasiman ñuca micunamanda quiquinman carasha; ñuca yachani quiquin canguimi shuj achilyachishca ñucapa ñuca huasipapash.

21 Yalishca jipa runaca paipaj huasipi paita chasquirca; runapaj shuti Amulek carca; pai tandata aichatapash apamurca Almapaj ñaupapi churarcapash.

22 Yalishca jipa Alma tandata micurca, ali saquirircapash; pai Amulekta achilyachirca paipaj huasitapash, pai Diosta pagui nirca.

23 Pai micushca jipa ali saquirishpa Amulekta nirca: Ñuca Alma cani, tucui cai alpapa Diospaj iglesiapaj sumo sacerdote cani.

24 Riqui, ñuca cayai tucushca cani Diospaj shimita yachachingapa tucui cai llactapuracunaman, achil ricuchinapaj espírituhuan achil villachinahuanbash; ñuca cai alpapi carcani paicuna ñucata na chasquigapa munarca, ashtahuangari llujchishpa cachahuarca ña ñuca cai alpata huashata tigrachigrijurcani na tucurinacaman.

25 Ashtahuangari riqui, mandahuashca cutin tigramuchun cai llactapuracunaman achil villachichun, ari, testificachun paicunapaj contra paicunapaj na ali ruraicunamanda.

26 Cunan, Amulek, ñucaman micuchishcamanda mingachishcamandapash, quiquin achilyachishca cangui; ñuca yarjai carcani, imashpa ñuca tauca punllacunata ayunashcamanda.

27 Alma Amulekhuan tauca punllacunata mingarirca llactapuracunaman nara yachachi callarishpa.

28 Yalishca jipa llactapuracuna paicunapaj na ali ruraicunapi ashtahuan mirarca.

29 Shimi shamurca Almapaman, nishpa: Ri; Amulek ñuca sirvijtapash ni, llujshi cai llactapuracunaman achil villachipash, nishpa—Arrepentirichi, Apunchijca shina nin, na arrepentirijpica cai llactapuracunata ñuca fiñaipi ricuj shamushami; ari, ñuca ninan fiñaita na tucuchishachu.

30 Alma llujshirca, Amulekpash llactapuracunaman, paicunaman Diospaj shimicunata villangapa; paicuna Espíritu Santo jundacuna carca.

31 Paicuna chasquishca carca ushaita, chashna alpa ucu prezuna ucupi na vichai usharca; pi runapash paicunata huañuchitapash na usharcachu; shina cajpipash paicunapaj ushaita na churarca imaura huatanacunahuan huatashca cárcelpipash shitai tucushcacuna cangacaman. Cunan, cai rurashca carca Apunchij paipaj ushaita paicunapi ricuchichun.

32 Yalishca jipa paicuna llujshishpa yachachi callarirca achil villachitapash llactapuracunaman, espírituhuan ushaihuanbash imata paicunaman Apunchij cushca carca.