1 Cunan, ñuca churi, ñuca imatachari ninata charini cutinlla apamunamanda imamanda parlashcani; riqui, huaquinguna achil quilcashcacunata pandachishca, cai cuzasmanda caruman pandashpa rishca. Ñuca yashpa ricuipica quiquinba yuyaipash preocuparishca cashca cai cuzasmanda. Ashtahuangari riqui, ñuca aliguta villagrini.

2 Ñuca nini, ñuca churi, cutinlla apamuna minishtirishca can Diospaj alicaihuan; cai minishtirishca can tucui cuzascuna cutinlla apamushca cana paicunapaj propio ordenman. Riqui, cai minishtirishca can, alipash can, ushaimanda, Cristopaj cutin causarinamandapash, runapaj almaca paipaj cuerpoman cutinlla apamushca cachun, cuerpomanda shujllangaman partecuna paimanllata cutinlla apamushca cachun.

3 Cai minishtirishca can Diospaj alicaihuan runacuna ricushpa chasquichishca cachun paicunapaj rurashcacunamanda; paicunapaj ruraicuna cai causaipi alicuna cajpica, paicunapaj shungucunapaj munaicuna alicuna cajpica, paicunapash, chai tucuri punllapi, cutinlla apamushca cachun ima ali cajman.

4 Paicunapaj ruraicuna na ali cajpica paicuna cutinlla apamushca canga na alipa. Chaimanda, tucui cuzascuna cutinlla apamushca canga paicunapaj propio ordenman, tucui cuzascuna paicunapaj natural formaman—cai huañuna jatarishca canga na huañunaman, ismuna na ismunaman—jatarishca na tucurinata charij cushijuiman Diospaj reinota chasquingapa, nacashpa na tucurita charij llaquinayaiman ayapaj reinota chasquingapa, shuj shuj ladoman, cutishuj cutishuj ladoman—

5 Shuj jatarishca cushijuiman paipaj cushijui munaimanda, nacashpa ali paipaj ali munaimanda; cutishuj na alipa paipaj na ali munaimanda; imashna pai munashcashna na alita ruranata tucui punlla shina ayapaj caranata chasquinga imaura tuta shamujpi.

6 Shina cai can cutishuj ladoman. Paipaj juchacunamanda arrepentirishca cashpaca, ali ruraita munashpa paipaj punllacuna tucurinacaman, shina pai caranata chasquishca canga ali ruraipa.

7 Caicuna can Apunchijpaj jatun causachishcacuna; ari, anchuchishcacuna, cacharichishcacuna na tucurinata charij yanalla tutamanda; shina paicuna shayaringa nacashpa urmanga; riqui, paicunapaj propio ricushpa chasquichijcuna can, alita rurangapa nacashpa na alita rurangapa.

8 Cunan, Diospaj mandashcacuna na shujman tigrarinllu; chaimanda, ñanga preparashca can maijan munaj caita purichun, quishpirishcapash cachun.

9 Cunan riqui, ñuca churi, ama ashtahuan cutishuj juchaman yangata quimiri canba Diospaj contra chai yachachishcapaj puntocunapi, imapimi cunangaman juchata rurangapa yangata quimirishcangui.

10 Ama yanguichu, cutinlla apamunamanda parlashca caimanda, can juchamanda cushijuiman cutinlla apamushca cangui. Riqui, canman nini, na ali rurai nimaurapash na cushijui carca.

11 Cunan, ñuca churi, tucui runacuna, natural canapi cajcunaca, nacashpa nimanmi, shuj aicha canapi, ninan llaquipaj jayapi can, na ali ruraicuna huatashcacunapi; paicuna cai pachapi Dios illacuna can, paicuna rishcacuna Diospaj naturalezapaj contra; chaimanda, paicuna shuj canapi cushijuipaj naturalezaman contra can.

12 Cunan riqui, canllu cai cutinlla apamuna ningapa munashca shuj cuzasta japina natural canamanda caita na natural canapi churangapa, nacashpa caita churana shuj canapi paipaj naturalezapaj contrapi?

13 Oh, ñuca churi, cai na shina canllu; ashtahuangari cutinlla apamuna ningapa munashca can cutin tigrachimuna na ali, na alipa, nacashpa aicha, aichaman, nacashpa aya tigrashca, aya tigranaman—alita rurai, imami ali ruraiman; ali, imami ali canman; shungumanda llaquij, imami shungumanda llaquij cajman.

14 Chaimanda, ñuca churi, aliguta ricui shungumanda llaquij canata canba huauquicunahuan; alita tratai, alita ricushpa chasquichi, catilla alita rurai; tucui cai cuzascunata shina rurashpaca can, canman caranata chasquingui; ari, shungumanda llaquinata cutinlla apamushca canbaman can charingui; alicai cutinlla apamushca canbaman can charingui; shuj ali ricushpa chasquichinata cutinlla apamushca canbaman can charingui; can charinguipash ali caranata cutin chasquishca canba.

15 Imami canmanda llujshin canmanllata cutin tigramunga, cutinlla apamushcapash canga; chaimanda, cutinlla apamuna juchata rurajta tucuillapacha ricushpa chasquichin, paita nimapipash na alimi ningachu.