1 Cunan yalishca jipa sujta huatapi ricushpa chasquichijcunapaj reinadopi Nefipaj llactapuracunata, fiñanajuicuna na tiarca, macanajuicunapash Zarahemla alpapi;

2 Ashtahuangari llactapuracuna llaquichishca carca, ari, jatunbacha llaquichishca paicunapaj huauquicunata chingachimanda, paicunapaj ataju llamacunata, huagracunatapash chingachimanda, muru tarpushca pambacunamandapash, imami carca chaquicunahuan sarushca tucuchishcapash Lamanitacunamanda.

3 Paicunapaj llaquicuna jatun carca, tucui alma imamanda llaquinata charirca; crirca Diospaj ricushpa chasquichinacuna paicunaman cachamushca paicunapaj na ali ruraicunamanda, millanayaicunamandapash; chaimanda paicunapi rijcharirca shuj yuyai paicunapaj ruranacunamanda.

4 Iglesiata ashtahuan tucuilla shayachi callarirca; ari, tauca bautizarishca carca Sidón yacucunapi Diospaj iglesiaman tandanajushcapash carca; ari, bautizarishca carca Almapaj maquihuan, pimi sumo sacerdote cachun achil ajllashca carca, iglesiapaj llactapuracunapa, paipaj taita Almapaj maquimanda.

5 Yalishca jipa canchis huata ricushpa chasquichijcunapaj reinadopi ña quimsa huaranga picha patsaj almacuna tiarca paicunallata Diospaj iglesiaman tandanajushca bautizarishcapash. Shina tucurirca canchis huata ricushpa chasquichijcunapaj reinado Nefi llactapuracunapa jahua; tucui cai punllacuna sumaj causai catirca.

6 Yalishca jipa pusaj huata ricushpa chasquichijcunapaj reinadopi, iglesia llactapuracunapi jariyai mirai callarirca, paicunapaj ninan charijyaicunamanda, fino sedacuna, fino ahuashca linocuna, paicunapaj tauca ataju llamacuna, huagracuna, paicunapaj curicuna, culquicuna, tucui laya juyailla cuzascuna, imacunami paicunapaj trabajashpa chasquishca carca; tucui cai cuzascunapi vichai alsarirca paicunapaj jariyai ñavicunapi, ninan valishca churajunacunata churajui callarirca.

7 Cunan caimanda carca Almapaj ashtaca llaqui, ari, tauca llactapuracuna picunaman Alma achil ajllarca yachachijcuna cachun, sacerdotecuna, éldercuna iglesiapi; ari, paicunamanda taucacuna ninanda llaquiyarca na ali ruraicunamanda paicunapaj llactapuracunapi tiashcata ricushpa.

8 Ricushpa ricurca ninan llaquirinahuan iglesia llactapuracuna vichai alsarishca paicunapaj jariyai ñavicunapi cai callarijpi, paicunapaj shungucunata churarca charijyanacunapi, cai pachapaj yanga cuzascunapi, na ricunayachi callarirca caishuhuan chaishuhuan, na ricunayachishpa cati callarirca paicuna munaita, munashcata ruranata na crijcunata.

9 Shina, cai pusaj huata ricushpa chasquichijcunapaj reinadopi, tiai callarirca jatun fiñanajuicuna iglesia llactapuracunapi; ari, tiarca envidiacuna, fiñanajuicunapash, na alicuna rurachinacunapash, na ricunayachishpa catijcuna, jariyaicuna Diospaj iglesia na catijcunatapash yali jariyaicuna.

10 Shina tucurirca pusaj huata ricushpa chasquichijcunapaj reinado; iglesiamanda na ali ruraicuna shuj jatun nitijachij carca maijan iglesiata na catijcunata; shina iglesia na mirai callarirca.

11 Yalishca jipa iscun huata callaricunapi, Alma iglesiamandacunapaj na ali ruraicunata ricurca, ricurcapash iglesiamandacunapaj na ali ricuchicuna apai callarirca maijan na crijcunata shuj na ali ruraimanda cutishuj na ali ruraiman, shina llactapuracunapaj tucuchinacunata apamurca.

12 Ari, ricurca llactapuracunapi jatun na igual caicunata, huaquinguna paicunapaj jariyaihuan vichai alsarijcuna, shujcunata na ricunayachishpa, huashacunata tigrachishpa minishtijcunata, churajuna illacunata, maijan yarjachishca cajcunata, maijan yacunayachishca cajcunata, maijan ungushca cajcunata, llaquiyashcacunatapash.

13 Cunan cai carca llactapuracunapi shuj jatun imamanda llaquiyaicuna, shujcuna humillarishca carca, maijan minishtishcacunata ayudashpa, paicunapaj minishtirishcapachacunata huajchacunaman, minishtishcacunaman carashpa, yarjaicunaman micuchishpa, tucui laya llaquicunata yalishpa, Cristomanda, pimi shamuna carca achil villachinapaj espíritu nishcashna.

14 Chai punllata shuyashpa, shina paicunapa juchacunata anchuchinata ama richun saquishpa; pactachishca cashpa jatun cushijuihuan huañushcacunapaj cutin causarinamanda, munaimanda, ushaimanda, Jesucristopaj cacharichina huañui huatanacunamanda.

15 Cunan yalishca jipa Alma, ricushca cashpa Diospaj humilde discípulocunapaj llaquicunata, na ricunayachicunata puchushca llactapuracuna paicunaman tandachishpa churajpi, ricushpa tucui paicunapaj na igual caicunata, ninanda llaquiri callarirca; shina cajpipash Apunchijpaj Espíritu na tucurirca.

16 Pai ajllarca shuj yachaj runata pimi carca iglesiapaj éldercunahuan, paiman ushaita curca llactapuracunapaj shimi nishcapi, pai ushaita charichun catichunbacha saquishcacunata rurachun caicunata ña cushca layapi, caicunata churachun rurachun na ali ruraicunapi, llactapuracunapaj huañuchicunapash.

17 Cunan cai runapaj shuti carca Nefíah, ricushpa chasquichijcunapaj yalishpa mandaj cachun achilyachishca carca; ricushpa chasquichina jatun tiarinapi tiarirca ricushpa chasquichingapa llactapuracunata mandangapa.

18 Cunan Alma paiman na curcachu oficiota iglesiapi sumo sacerdote cachun, ashtahuangari cai oficio sumo sacerdote canata alichirca paillata; ashtahuangari Nefíahman curca ricushpa chasquichina jatun tiarinata.

19 Caita rurarca paillata llactapuracunaman ri ushangapa, nacashpa Nefi llactapuracunapaman, paicunaman Diospaj shimita yachachingapa, tangaj shina paicunata yarichingapa paicunapaj ruranacunata, Diospaj shimihuan tucuchingapa tucui jariyaicunata, umachinacunatapash, tucui fiñanajuicunata imacunata paipaj llactapuracunapi tiarca, na ricurca shuj laya paicunata tigrachimunata ashtahuangari shuj testimonio puro paicunapaj contra.

20 Shina iscun huata callaricunapi Nefi llactapuracunapaj ricushpa chasquichijcunapaj reinadopi, Alma Nefíahman curca ricushpa chasquichina jatun tiarinata, paillata tucuillapacha sumo sacerdocio Diospaj achil ordenman dedicarirca, achil shimimanda testimoniota cungapa, achil ricuchinapaj espírituhuan, achil villachinapash.