፩ ከዘለአለም እስከዘለአለም ህያው የሆንኩትን ታላቁ እኔ ነኝን፣ እንዲሁም የኢየሱስ ክርስቶስን ድምፅ አድምጥ እናም ስማ—

፪ በጨለማ የሚያበራውን እና በጨለማም ያሉት የማይረዱበት፣ የአለም ብርሀን እና ህይወት የሆነውን፤

፫ በመካከለኛው ዘመን የእኔ ወደሆኑት መጣሁ እና የእኔም የሆኑትም አልተቀበሉኝም፤

፬ ነገር ግን ለተቀበሉኝ ሁሉ ልጆቼ ይሆኑ ዘንድ ኃይልን ሰጠኋቸው፤ እናም ለሚቀበሉኝም እንዲሁ፣ ልጆቼ እንዲሆኑ ኃይልን እሰጣቸዋለሁ።

፭ እናም እውነት፣ እውነት እልሀለሁ፣ ወንጌሌን የሚቀበል እኔን ይቀበላል፤ እናም ወንጌሌን የማይቀበል እኔን አይቀበልም።

፮ እናም ይህ የእኔ ወንጌል ነው—የንሰሀና የውሀ ጥምቀት፣ እናም በመቀጠል ሁሉን ነገሮችን የሚያሳየውንና የመንግስተ ስማይን ስላማዊ ነገሮችን የሚያስተምረውና አጽናኝ የሆነው፣ የእሳት እና የመንፈስ ቅዱስ ጥምቀት ይከተላል።

፯ እናም አሁን፣ እነሆ፣ አገልጋዬ ጄምስ እልሀለሁ፣ ስራዎችህን ተመልክቻለሁ እናም አውቅሀለሁ።

፰ እናም እውነት እልሀለሁ፣ በዚህ ወቅት ልብህ በፊቴ የቀና ነው፤ እናም፣ እነሆ፣ በራስህም ላይ ታላቅ በረከቶችን አድርጌአለሁ፤

፱ ሆኖም፣ በመታበይ እና በአለም ነገሮች ምክንያት ብዙ ጊዜ ስላልተቀበልከኝ፣ ታላቅ መከራን አይተሀል።

፲ ነገር ግን፣ እነሆ፣ ተነሳና ተጠመቅ፣ እናም ስሜንም እየጠራህ ኃጢአቶችህን እጠብ፣ መንፈሴንና የማታውቀውን ታላቅ በረከትን ትቀበላለህ የሚለውን ድምጼንም የምታደምጥ ከሆነ የመዳንህ ቀናት መጥተዋል።

፲፩ እናም ይህን የምታደርግ ከሆነ፣ ለታላቅ ስራ አዘጋጅቼሀለሁ። በዚህ የመጨረሻው ቀናት የላክሁትን የወንጌሌን ሙላት፣ እንዲሁም የእስራኤል ቤት የሆኑትን ህዝቤን እንዲመለሱ ለማድረግ የላክሁትን ቃል ኪዳን ትሰብካለህ።

፲፪ እናም እንዲህም ይሆናል ኃይልም በአንተ ላይ ይሆናል፤ ታላቅ እምነትም ይኖርሀል፣ እናም ከአንተም ጋር እሆናለሁ፣ ከፊትህም እሄዳለሁ።

፲፫ በወይን ስፍራዬም እንድትሰራ፣ እናም ቤተክርስቲያኔን ትገነባ፣ እና በከፍታዎችም ላይ እንድታብብና ሀሴትንም ታደርግ ዘንድ ፅዮንን ለማምጣት ተጠርተሀል።

፲፬ እነሆ፣ እውነት፣ እውነት፣ እልሀለሁ፣ ወደ ኦሀዮ እንድትሄድ እንጂ፣ ወደ ምስራቅ ሀገሮች እንድትሄድ አልተጠራህም።

፲፭ እናም በኦሀዮ ህዝቤ ራሳቸውን እስካሰባሰቡ ድረስ፣ በሰዎች ልጆች መካከል የማይታወቅን በረከትን አስቀምጫለሁ፣ እናም በራሶቻቸውም ላይ ይፈሳል። ከዚያም ወንዶቹ በህዝብ ሁሉ መካከል ይሄዳሉ።

፲፮ እነሆ፣ እውነት፣ እውነት፣ እልሀለሁ፣ እጄን በፍርድ በህዝብ ላይ ከማድረግ እንደምቆጠብ በማሰብ፣ በኦሀዮ የሚገኙ ህዝብ በታላቅ እምነት ወደ እኔ ይጣራሉ፣ ነገር ግን ቃሌን አልክድም።

፲፯ ስለዚህ፣ ለመጨረሻም ጊዜ ይገረዝ ዘንድ፣ በታላቅ ኃይልህ ስራህን ጀምር እናም ታማኝ ሰራተኞችን ወደ ወይን ስፍራዬ ጥራ።

፲፰ እናም ንሰሀ እስከገቡና የወንጌሌን ሙላት እስከተቀበሉ እንዲሁም እስከተቀደሱ ድረስ፣ እጄን በፍርድ ከማድረግ እቆጠባለሁ።

፲፱ ስለዚህም፣ ከፍ ባለ ድምጽም፣ መንግስተ ሰማይ ቀርባለች በማለት፥ ሆሳዕና! የልዑል እግዚአብሔር ስም የተባረከ ይሁን ብለህ በመጮህ ወደፊት ሂድ።

፳ ለምፅዓቴም ቀን ከፊት ለፊቴ መንገድን በማዘጋጀት፣ በውሀ በማጥመቅ ወደፊት ሂድ፤

፳፩ ጊዜው ተቃርቧልና፤ ቀኑን እና ሰአቱን ማንም ሰው አያውቅም፤ ነገር ግን በእርግጥም ይመጣል።

፳፪ እና እነዚህንም ነገሮች የሚቀበል እኔን ይቀበላል፤ እናም ለጊዜውና ለዘለአለም ወደ እኔ ይሰበሰባሉ።

፳፫ እናም ዳግም፣ እንዲህም ይሆናል በውሀ ባጠመቅሀቸው ሁሉ ላይ፣ እጆችህን ትጭናለህ፣ እናም የመንፈስ ቅዱስን ስጦታ ይቀበላሉ፣ እንዲሁም የምጽአቴን ቀን ምልክቶች ይጠባበቃሉ እናም እኔንም ያውቃሉ።

፳፬ እነሆ፣ በቶሎም እመጣለሁ። እንዲህም ይሁን። አሜን።