“Shapita 11: Enosha,” Miyuki ya mu Mukanda wa Molomo (1997), 30–31
“Shapita 11,” Miyuki ya mu Mukanda wa Molomo, 30–31
Shapita 11
Enosha
Enosha uvua muana wa balume wa Yakoba. Wakalama bitata ne kufundamu panyima pa lufu lua tatuende.
Dimue dituku, Enosha uvua wipata nyama muitu. Wakela meji pa malongesha a tatuende ne kusuaye bua abuikidibua ku mibi yende.
Enosha wakatua binu ne kusambilaye Nzambi. Wakasambila dituku dijima ne wakashala usambila too ne pakalua butuku.
Nzambi wakambila Enosha se kupitshila ku ditabuija dienda mu Yezu Kilisto, mibi yende yakadi mibuikidibue.
Nunku Enosha wakasua bua Mukalenga abenesha Bena Nefi. Wakasambila buabu, ne Mukalenga wakamuambila se neababenesha bia nemekabu mikenji yende.
Enosha wakasua kabidi bua Mukalenga abenesha Bena Lamana. Wakasambila ne ditabuija dinena, ne Mukalenga wakalaya bua kuenza bia kamulomba Enosha.
Nansha muvua Bena Lamana baluangisha Bena Nefi ne bateta kunyanga miandiku yabu, Enosha wakasambila bua bobu balue bantu bakana.
Enosha wakasambila bua miandiku ivuaye mulama ikala mikubibua. Mukalenga wakamulaya bua se dimue dituku neapesha Bena Lamana malongesha avua pa miandiku.
Enosha wakayisha Bena Nefi. Wakasua bua bitabuijila Nzambi ne balama mikenji.
Bena Nefi bakateta bua kulongesha lumu luimpa kudi Bena Lamana, kadi kabakasua kuteleja to. Bena Lamana bavua bakina Bena Nefi.
Enosha wakapitshisha matuku ende a moyo mu kulongesha mâlu adi atangila Yezu ne lumu luimpa. Wakasadila Nzambi ne kumunangaye matuku ende onsu.