“Shapita 46: Yezu Kilisto udi Ulongesha ne Usambila pamua ne Bena Nefi,” Miyuki ya mu Mukanda wa Molomo (1997), 128–30
“Shapita 46,” Miyuki ya mu Mukanda wa Molomo, 128–30
Shapita 46
Yezu Kilisto udi Ulongesha ne Usambila pamua ne Bena Nefi
Bena Nefi bavua bamona Yezu Kilisto bakambila balunda babu se; nealue dituku dialonda. Bantu babungi bakenza mudimu mukola bua kumanya muaba wikala Yezu bua kuikala.
Dinda diakalua, Nefi ne bayidi bakuabu bakalongesha tshisumbu tshivua tshikunguila. Nanku bayidi bakasambila bua kupeta Nyuma wa Tshijila.
Nefi wakabuela mu mâyi ne wakatambula. Pananku, wakatambuisha bayidi bakuabu.
Pakatambulabu, bayidi bakapeta Nyuma wa Tshijila. Kapia kavua kamueka kabanyunguluka , ne banjelu bavua bapueka ba benzela mudimu.
Pakadi banjelu bikala ne bayidi, Yezu wakapueka ne kuimana munkatshi muabu.
Kilisto wakambila Bena Nefi Bonsu bua batua binu panshi. Wakambila bayidi bende bua basambila.
Pakadibu basambila, Yezu wa kaya ku luseka mutantshi ne bantu, ne wakatua binu panshi ne kusambila Tatu wa mu Diulu.
Yezu wakela Tatu wa mu Diulu tuasakidila bua dituma diende dia Nyuma wa Tshijila kudi bayidi bende. Nanku wakalomba bua Nyuma wa Tshijila ikala mufidibua kudi ewu yonsu witabuija meyi a bayidi.
Yezu wakabenesha bayidi bende pavuabu munkatshi mua disambila. Uvua ufukisha mimuemua kudibu, ne bakalua bikala batoka bumuvua mpala wende ne bilamba biende.
Yezu wakasambila kabidi bua bayidi bende. Uvua ne disanka bua ditabuija diabu dinena.
Kilisto wakambila bantu bua bimanyika kusambila ne batungunuka kusambila mu mioyo yabu. Nunku wakabapesha biakudia bia tshijila.
Kakuvua muntu mulue ne diampa anyi mvinyo to, kadi mukalenga wakadilongolola mu tshishima.
Yezu Kilisto wakambila Bena Nefi ne; lumu luimpa luende ne lupingana pa buloba mu matuku a ndekelu.
Wakabambila bua kulonga mifundu, ne Nefi uvua mua kufunda mu miandiku dikumbana dia mêyi a muambi Samuele Muena Lamana.
Nunku Yezu wakalongesha bantu kupitshila ku mifundu. Wakabambila bua kudilongesha umue ne umue bintu bivuaye mubalongesha.
Yezu wakapingana kabidi mu diulu, ne bayidi bende bakalongesha bantu. Aba bavua bikala bitabuija, bavua batambula ne bapeta Nyuma wa Tshijila.
Bena nefi bakabanga kutumikila mikenji yonsu.