“Shapita 3: Lehi udi Umuka mu Yelushalema,” Miyuki ya mu Mukanda wa Molomo (1997), 6–7
“Shapita 3,” Miyuki ya mu Mukanda wa Molomo, 6–7
Shapita 3
Lehi udi Umuka mu Yelushalema
Mukalenga wakasanka ne Lehi, nunku butuku bukuabu wakakula nenda mu tshilota. Wakambila Lehi bua kuangata dîku diende bua kumbuka mu Yelushalema. Lehi wakatumikila Mukalenga.
Dîku dia Lehi diakambula mabuki a biakudia ne ntenta. Bakashiya nzubu yabu ne ngolu ne mpalata yabu ne kuenza luendu mu tshipela.
Lehi ne mukanjiende Saliya bavua ne bana banayi ba balume. Mena abu avua mikala: Lamana, Lemuele, Sama ne Nefi.
Bamana kuenza luendu mu matuku asatu, Diku dia Lehi diakaasa ntenta mu tshibandabanda ku mpenga kua musulu wa mayi.
Lehi wakibaka tshioshelu tshia mabua ne wakafila mulambu kudi Nzambi. Wakasakidila Nzambi bua bulami bua dîku diende ku dibutuka.
Lehi wakinyika dina dia musulu se Lamana, ne wakapesha Lemuele dina dia tshibandabanda. Lehi uvua musue bua bana bende bikala bu musulu ne tshibandabanda, bua batangila kudi Nzambi ne bashala bimana mu dilama dia mikenji.
Lamana ne Lemuele bavua bela meji se: tatuabu uvua mutomboka bualu wakashiya Yelushalema ne bubanji buabu. Kabakitabuja ne Yelushalema uvua mua kubutuka to.
Nefi wakasue kumanya malu avua Lehi mumona. Wakasambila bua kumanya pikala tatuenda uvua muenza tshintu tshimpa bua kumbuka mu Yelushalema.
Yezu Kilisto wakakumbula Nefi ne kumuambilaye se: mayi a Lehi avua malelela. Nefi wakitabuija ne kavua mutomboka bu muvua Lamana ne Lemuele benza to.
Nefi wakambila bana babu, bivua Yezu mumuambila. Sama wa kitabuijila Nefi, kadi Lamana ne Lemuele kabakasua kumuitabuijila to.
Mukalenga wakalaya Nefi se: neikala mubeneshibua bua ditabuija diende. Neashala mukokeshi wa bana babu ba baluma.