“Shapita 50: Bena Yalede badi Bumuka ku Babela,” Miyuki ya mu Mukanda wa Molomo (1997), 143–44
“Shapita 50,” Miyuki ya mu Mukanda wa Molomo, 143–44
Shapita 50
Bena Yalede badi Bumuka ku Babela
Yalede ne muanabu bavua bikala bantu bajalama bakadi mu tshimenga tshibikidibua ne Babela. Bavua bikalanganeku nkama ya bidimu kumpala kua Bena Nefi.
Bantu bavua bikala mu Babela bavua ne tshikisu. Bakibaka tshibumba bua kufika mu diulu. Mukalenga wa kumvua tshiji ne kushintulula muakulu wabu.
Yalede wakalomba muanabu bua kusambila ne kulomba Mukalenga bua kashintuludi muakulu wa mêku abu ne balunda babu to.
Muanabu ne Yalede wakasambila, ne Mukalenga wakandamuna ku disambila diende. Yalede, muanabu, ne meku abu ne balunda babu bakashala bumvuangana umue ne umue.
Mukalenga wakambila muanabu ne Yalede bua akunguija diku diende ne balunda babu bua kumbuka mu bulaba. Bakangata nyama yabu ne mishindu yonsu ya nteta.
Mukalenga wakamba ne; neikala mua kulombola Bena Yalede mu bulaba bulaya.
Bena Yalede bakakuata nyunyi ne bikela bua kuya nabi.
Bakangata buitshi bua mbulumbulu.
Bena Yalede badi benza luendu mu tshipela. Mukalenga wakakula kudibu mu dibungi ne kubambila njila wa kulonda.
Mukalenga wakambila bantu bavua bikala mu bulaba bulaya ne badi ne bua kuenzela Nzambi mudimu, tshianana badi babutuka.
Pakafika Bena Yalede kumpenga kua mbuwa, bakasa ntenta yabu. Bakasomba kupenga kua mbuwa mu mutantshi wa bidimu binayi.