“Shapita 53: Moloni ne Malongesha Ende,” Miyuki ya mu Mukanda wa Molomo (1997), 154–55
“Shapita 53,” Miyuki ya mu Mukanda wa Molomo, 154–55
Shapita 53:
Moloni ne Malongesha Ende
Panyima pa lufu lua Molomo, Moloni uvua nkayende. Wakajikija miandiku ivua tatuende mumupesha.
Moloni uvua mumanya bua se: bitata bia ngolu nebipatuka mu bulaba.
Miaku idi pa bitata bia ngolu idi yakula bua Yezu Kilisto. Idi ijadika ne ilongesha bantu mushindu wa kuikala mu buakana.
Bantu babi ba Bena Lamana bakashipa muena Nefi yonsu uvua kayi musue bua kupidia Yezu Kilisto.
Moloni kavua musue kuvila Yezu Kilisto nansha. Wakanyemakana, usokoma Bena Lamana.
Moloni wakafunda biabungi pa bitata bia ngolu, nangananga bua Bena Lamana ba mu matuku a ndekelu.
Wakafunda bintu bia mushinga biabungi, bumudi mêyi a disambila dia biakudia bia tshijila.
Moloni wakafunda ne; bantu badi mua kutambula badi anu aba badi ne disue dia kukudimuna mitshima bua mibi yabu ne kuenzela Yezu Kilisto mudimu.
Moloni uvua musue bua muntu yonsu itabuija Yezu Kilisto ne afika ku dimumanya. Wakamba ne; mâlu mimpa onsu adi afuma kudi Kilisto.
Moloni wakafunda ne; bantu bobu bananga Nzambi ne bamulonda, badi mua kulua bakane.
Moloni uvua mumanye ne panyima pa lufu luende, yeye neabika ku lufu ne neasomba ne Tatu wa mu Diûlu ne Yezu Kilisto.