Miyuki ya mu Mifundu

Shapita 23: Amona: Musadidi Munena

“Shapita 23: Amona: Musadidi Munena,” Miyuki ya mu Mukanda wa Molomo (1997), 64–68

“Shapita 23,” Miyuki ya mu Mukanda wa Molomo, 64–68

Shapita 23

Amona: Musadidi Munena

Bana ba baluma ba Mosiya badi bumuka — Bana ba baluma banayi ba Mosiya bakumbuka mu Zalahemela bua kuya kalongesha Bena Lamana lumu luimpa. Bonsu bakaya mu bimenga bishilangane.

Amona udi ukuatshibua — Amona wakaya ku bulaba bua Yishemaela Pakabuelaye mu tshimenga, Bena Lamana bakamusuika ne kuyabu nende kudi mfumu wabu, Lamoni.

Lamoni ne Amona — Amona wakambila Mfumu Lamoni se; uvua ne dijinga dia kusomba munkatshi mua Bena Lamana. Lamoni wakasanka ne kuambila bantu bende bua kusulula Amona.

Amona udi ulama bimuna — Amona wakamba ne udi musue kuikala umue wa ku basadidi ba mfumu. Mfumu wakamutuma bua atangila bimuna biende.

Bena Lamana badi batangalaja bimuna — Dimue dituku pavua Amona ne basadidi bakuabu baya kanuisha mikoko mâyi, bena mutshima ba Bena Lamana bakatangalaja nyama ne kusua kuyiba.

basadidi ne Amona — Basadidi bavua ne Amona bavua ne bowa. Mfumu Lamoni wakashipa basadidi bende bakuabo bakajimija nyama kudi bena mutshima aba.

Amona — Amona uvua mumanya se etshi tshiakadi mushindu wa kudienzeja ne bukola bua Mukalenga bua kutshimuna mioyo ya Bena Lamana. Bua bateleja ku malongesha ende.

Amona udi wakula ne basadidi — Amona wakambila basadidi se bobu bakunguija nyama idi mitangalaja, mfumu kena ubashipa to.

Amona udi ukunguija nyama — Amona ne basadidi bakuabu bakapeta nyama lukasa ne kuyalujabu ku muaba wa tshinuinu.

Amona udi wakula ne basadidi — Bena mutshima ba Bena Lamana bakalukila. Amona wakambila basadidi bakuabu bua balama bimuna bua yeye aluangisha bena mutshima.

bena mutshima — Bena mutshima ba Bena Lamana kabakadi ne bowa bua Amona to. Bakela meji se nebikala bipepela bua kumushipa.

Amona udi ushipa bena mutshima — Bukola bua Nzambi buakadi ne Amona. Wakakuma ne kushipaye bamue ba ku bena mutshima, bena mutshima bavua bashala bakapeta tshiji.

Amona udi uluangana ne muena mutshima — Bakateta bua kushipa Amona ne mitshi yabu, kadi musangu onsu uvua muena mutshima ujula mutshi bua kukuma Amona, yeya uvua ukosa diboku dia muena mutshima. Bumuvuabu ne bowa, bena mutshima bakanyema.

basadidi badi bakula ne mfumu — Basadidi badi batuadila Mfumu Lamoni maboko makosa ne bamuambila biakadi Amona muenza.

Mfumu Lamoni — Mfumu wakakema bikola bua bukola bunena buvua nabu Amona. Wakasua kumonangana ne Amona, kadi uvua ne bowa bualu uvua wela meji ne Amona wakadi Nyuma Munena.

Mfumu udi udiela makonka — Pakabuela Amona bua kumumona, Mfumu Lamoni wakapanga tshia kuamba. Kakakula to bua diba dijima.

Amona udi uyisha — Nyuma wa Tshijila wakambuluisha Amona bua kumanya tshivua mu meji a mfumu. Amona wakumvuija se yeya kavua Nyuma Munena to. Uvua muntu.

Mfumu Lamoni udi wakula ne Amona — Mfumu wakambila Amona se; neamupesha tshionsu tshivuaye natshi dijinga pikaleye mumuambila bukola budiye muluangisha nabu bena mutshima, ne bua kumanya meji a mfumu.

Amona udi wakula ne Mfumu Lamoni — Amona wakamba ne tshivuaye natshi dijinga tshivua anu tshia se Mfumu Lamoni itaba tshiamuambilaye. Mfumu wakamba ne neitaba bionsu biamuambila Amona.

Amona udi wakula ne Mfumu Lamoni — Amona wakakonka Mfumu Lamoni; pikalaye witabuija Nzambi. Mfumu wakandamuna ne udi witabuija mu Nyuma Munena.

Amona udi ulongesha Lamoni — Amona wakamuambila se: Nyuma Munena ke Nzambi, wakafuka bintu bionsu bidi mu diûlu ne pa buloba, ne mmumanye meji a bantu.

Amona udi ulongesha Lamoni — Amona wakamuambila se: bantu mbafukibua mu tshimfuanyi tshia Nzambi. Wakamba kabidi se; Nzambi wakamubikila bua kulongesha lumu luimpa kudi Lamoni ne bantu bende.

Amona udi ulongesha ne mifundu — Mu dibala dia mifundu, Amona wakalongesha Mfumu Lamoni bua Bufuki, bua Adama, ne bua Yezu Kilisto.

Lamoni udi usambila — Mfumu Lamoni wakitabuijila Amona ne kusambilaye bua abuikidibua mibi yende. Nunku wakakuluka panshi bu mufua

basadidi ba mfumu — Basadidi bakambula mfumu, ne kuya nende kudi mukajiende ne kumuladika pa bulalu. Panyima pa matuku abidi basadidi bakela meji ne mmufua ne kusuabu kumujika.

mukalenga-mukaji udi wakula ne Amona — Mukalenga-mukaji kakitaba ne muluma wende wakadi mufua to. Bumuakadiye mumvua bua bukola bunene bua Amona, wakamulomba bua ambuluisha mfumu.

Amona udi wakula ne mukalenga-mukaji — Amona uvua mumanye ne Lamoni wakadi mu bukola bua Nzambi. Wakambila mukalenga-mukaji se: Lamoni neabika dituku didi dilonda.

Lamoni udi ujuka — Wakashala ku luseka lua Lamoni butuku bujima. Dituku dilondela, Lamoni wakajuka ne kuambaye se; uvua mumona Yezu Kilisto. Mfumu ne mukalenga-mukaji bakadi buujibua ne Nyuma wa Tshijila.

Badi batambuisha Lamoni — Lamoni wakalongesha bantu bende mâlu a Nzambi ne a Yezu Kilisto. Aba bakitabuija, bobu bakakudimuna mitshima ku mibi yabu ne bakabatambuisha.