“Shapita 40: Samuele Muena Lamana udi Wakula bua Yezu Kilisto,” Miyuki ya mu Mukanda wa Molomo (1997), 111–13
“Shapita 40,” Miyuki ya mu Mukanda wa Molomo, 111–13
Shapita 40
Samuele Muena Lamana udi Wakula bua Yezu Kilisto
Bena Lamana bavua batumikila mikenji ya Nzambi. Bakalua bakane kupita Bena Nefi.
Samuele, muambi wa Bena Lamana, wakaya ku Zalahemela bua kuyisha bantu babi ba Bena Nefi. Wakabambila bua bakudimuna mitshima.
Bena Nefi bakipata Samuele pambelu pa tshimenga, ne yeye wakalukila ku musoko wende.
Kadi Mukalenga wakambila Samuele bua apingana ku Zalahemela ne ambila bantu mâluadi Mukalenga muela mu mutshima wende.
Bena Nefi kabakasua kulekela Samuele bua abuela mu tshimenga to, kebualu kayi wakabanda kulu kua tshimanu tshia tshimenga ne wakayishilaku.
Wakakula mu Nyuma wamba se: Bena Nefi nebabutuka mu bidimu 400, anu bantu bobu bakudimuna mitshima ne bitabuija mu Yezu Kilisto.
Samuele wakambila Bena Nefi ne; Yezu Kilisto udi ne bua kuledibua mu bidimu bitanu ne neasungile aba bonsu bamuitabuijila.
Samuele wakabambila bua bimanyinu bia diledibua dia Yezu. Mutoto mupia-mupia neupatuke, ne butuku bua kumpala kua diledibua dia Yezu kabuakuikala bufika to.
Nunku, Samuele wakabambila kabidi bua bimanyinu bia lufu lua Yezu. Nekuikale matuku asatu a midima—diba, ngondo, ne mitoto kabia kukenka to.
Nekuikala kabidi makubakuba ne mikenya ne dinyungana dia buloba. Mikuna neikuluke panshi, ne bimenga biabungi ne bibutuka.
Bena Nefi bakuabu bakitabuijila Samuele ne kukudimunabu mitshima bua mibi yabu. Bakaya kakeba Nefi, Muena Nefi muakana uvua mua kubatambuisha.
Bena Nefi bakuabu kabakitaba Samuele to. Bakakupa mabue ne kuasa miketa kudiye. Kadi Mukalenga wakamukuba, ne mabue ne miketa kabia kamukuma nansha.
Pakamona bantu se kabivua bimututa, babungi bakamuitaba ne kuyabu kudi Nefi bua batambula.
Nefi wakalongesha kabidi bantu bua Yezu. Wakasua bua bobu bitabuijila Yezu, bakudimuna mitshima, ne batambula
Nansha nanku, Bena Nefi babungi, kabakitaba Samuele to. Bakateta bua kumukuata ne bianza.
Samuele wakatumpika panshi pa tshimanu ne kunyemaye bua kuya ku ditunga diende.
Samuele wakabanga kuyisha Bena Lamana. Kabakumvua kabidi bualu buende munkatshi mua Bena Nefi to.