Miyuki ya mu Mifundu

Shapita 41: Bimanyinu bia Diledibua dia Kilisto

“Shapita 41: Bimanyinu bia Diledibua dia Kilisto,” Miyuki ya mu Mukanda wa Molomo (1997), 114–16

“Shapita 41,” Miyuki ya mu Mukanda wa Molomo, 114–16

Shapita 41

Bimanyinu bia Diledibua dia Kilisto

Nefi udi ufila miandiku kudi muanende — Nefi, muana wa Helamana, wakafila miandiku ya tshijila ne mifundu kudi muanende wa kumpala, Nefi.

bantu badi bayukila — Bena Nefi bakamona bimanyinu binena ne bishima biakamba bambi bua se: nebifike kumpala kua diledibua dia Yezu Kilisto.

bantu badi baseka — Kadi Bena Nefi bakuabu bakamba ne; diba dia diledibua dia Yezu diakadi dimana kupita. Bakaseka aba bavua balama ditabuija dia mêyi a muambi Samuele Muena Lamana.

bantu badi bateleja muntu mukola — Bantu bavua bitabuija Yezu Kilisto ne bambi, bakakuatshika dibungama, bela meji se: tshintu tshidi mua kukanda mêyi a bambi bua kukumbanawu.

dîku didi dijula mesu kûlu — Bantu bakatangidila ne ditabuija mu butuku kabuyi mîdima, tshivua tshikala tshimanyinu tshia diledibua dia Yezu Kilisto.

bantu badi bela tshipangu — Aba bavua kabayi bitabuijila Yezu Kilisto bakasungula dituku bua kushebeya bitabi bonsu pikala tshimanyinu katshiyi tshilue to.

Nefi — Nefi wakadi ne dibungama bua tshikisu tshia aba bavua kabayi bitabuijila Mupandishi.

Nefi udi usambila — Nefi wakasambila dituku dijima bua bantu bavuabu bakeba bua kushebeya.

Nefi — Mukalenga wakakankamika Nefi, ne wakamuambila ne; midima kayakuikalaku butuku abu to. Yezu wakadi ne bua kuledibua dituku divua dilonda mu Beteleheme.

diku didi ditangila mubuelelu wa diba — Dilolu adi diba dia kabuela, kadi midima kayakalua to. Tshimanyinu tshia diledibua dia Yezu Kilisto tshiakakumbana. Bantu bakakema.

bantu babi badi panshi — Aba bavua balongolola bua kushipa bitabi, bakakuluka panshi ne kushalabu bu bafue.

bantu babidi — Bavua ne bowa bualu bavua bikala bantu babi. Mpindiewu bakamanya se: Mupandishi uvua ne bua kuledibua, ne bambi bavua bamba bulelela.

bena mvita muitu — Butoka buakashala butuku bujima. Pakajuka diba mudinda mukuabu, bantu bakamanya se: Yezu Kilisto uvua ne bua kuledibua dituku adi. Mêyi a bambi akadi makumbana.

bantu badi babandila mutoto mupia-mupia — Mutoto mupia-mupia wakamueneka mûlu, anu bu muakadi bambi bamba.

mukaji ne muluma batangila kûlu — Satana uvua anu usaka bantu bua kabitabuijidi bimanyinu bivuabu bamona, kadi babungi bakitabuija.

Nefi udi utambuisha muntu — Nefi ne balombodi bakuabu ba Ekelezia bakatambuisha aba bonsu bakitaba ne bakakudimuna mitshima.

bantu mu tshimenga — Kuakadi masanka matungunuka mu bulaba bualu meyi a bambi akakumbana. Yezu Kilisto uvua muikala muledibua.