“Shapita 39: Nefi udi Upeta Bukola Buabungi,” Miyuki ya mu Mukanda wa Molomo (1997), 108–10
“Shapita 39,” Miyuki ya mu Mukanda wa Molomo, 108–10
Shapita 39
Nefi udi Upeta Bukola Buabungi
Mukalenga wakakula kudi Nefi umutumbisha bua ditumikila diende dia mikenji ne dienza diende dia mudimu mukole bua kulongesha bantu lumu luimpa.
Nefi uvua mupeshibua bukola bua kuenza malu onsu. Mukalenga uvua mumanye se: neenzejibua ne bukola mu buakana.
Mukalenga wakambila Nefi bua adimuija Bena Nefi, bua ne pikalabu kabayi bakudimuna mitshima, ne bikala bua kubutudibua. Nefi wakaya lukasa bua kudimuija bantu.
Bena Nefi kabavua bitabuijila Nefi to. Bakajinga bua kumuela mu nzubu wa lukanu, kadi bukola bua Nzambi bua kamukuba.
Nefi wakayisha diyi dia Nzambi kudi Bena Nefi bonsu.
Kadi bantu bakalua ne tshikisu tshikole ne baluangishangana
Nefi wakasambila bua tshiyola tshibuela, bualu uvua utekemena ne; dipanga dia biakudia nedipuekesha Bena Nefi ne nedibambuluisha bua kukudimuna mitshima.
Tshiyola tshiakalua. Ka kuvua mvula to, nunku buloba buvua buma, ne nteta kayivua mua kutoloka to. Bantu bakalekela mvita.
Bena Nefi bavua ne nzala, ne babungi bakafua. Bavua bikala ne moyo bakabanga kuvuluka Mukalenga ne bivua Nefi mubalongesha.
Bantu bakakudimuna mitshima bua mibi yabu, ne nunku, bakalomba kudi balumbuluishi babu bua balomba kudi Nefi bua imanyika tshiyola. Balumbuluishi bakaya kudi Nefi.
Pakamona Nefi se bantu bakadipuekesha ne bakakudimuna mitshima, wakalomba Mukalenga bua imanyika tshiyola.
Mukalenga wakandamuna ku disambila dia Nefi, ne mvula wakabanga kuloka. Nteta yakabanga kumena tshiakabidi. Bantu bakasakidila Mukalenga ne bakamanya se: Nefi uvua muambi munena.
Bena Nefi babungi bakabuela mu Ekelezia. Bakalua babanji, ne bimenga biabu biakadiunda. Kuvua ditalala mu buloba.
Nunku bakuabu Bena Nefi bakadisangisha ne Bena Lamana bua kalua kuluisha Bena Nefi.
Bena Nefi bakajinga bua kutshimuna baluishi babu, bavua bikala bimvi ba Gadiantona, kadi kabavua bakumbana to, bualu bobu nkayabu bakalua ne tshikisu kabidi.
Pakalua Bena Nefi bakana, Mukalenga uvua mubabenesha. Pavuabu bikala ne maditambishi ne bapue Mukalenga moyo, uvua ubapesha ntatu bua kubambuluisha bua bamuvuluka.