Miyuki ya mu Mifundu

Shapita 43: Yezu Kilisto udi Umuenekela Bena Nefi

“Shapita 43: Yezu Kilisto udi Umuenekela Bena Nefi,” Miyuki ya mu Mukanda wa Molomo (1997), 120–23

“Shapita 43,” Miyuki ya mu Mukanda wa Molomo, 120–23

Shapita 43

Yezu Kilisto udi Umuenekela Bena Nefi

Bena Nefi badi badisangisha — Bena Nefi babungi badi badikunguija ku ntempelu mu bulaba bua Buvula. Bavua ne kukema kukola bua mashintuluka mu bulaba.

bantu badi bayukila — Bantu bakadi bayukila bua Yezu Kilisto ne bua tshimanyinu tshia lufu luende.

bantu badi bumvua diyi diteketa diakula — Pakadibu bayukila, bakumvua diyi difuma mu diulu. Diakashiya luya mu mioyo yabu.

muluma mukuata mukaji — Ku musangu wa kumpala kabakumvua diyi to, kadi pakakuladi musangu muisatu, bakadiumvua.

bantu badi bateleja — Dîyi diakadi dia Tatu wa mu Diulu. Divua dileja Yezu Kilisto ne diambila bantu bua bamuteleja.

Yezu munkatshi mua bantu — Yezu Kilisto wakalua panshi ufuma ku diulu, ne wakimana munkatshi mua bantu. Bakadi ne bowa bua kuakula, bualu kabavua bumvua tshivua tshipitakana to. Bakela meji ne; Yezu uvua muanjelu.

Yezu udi wakula ne bantu — Wakabambila se: uvua Yezu Kilisto, uvua bambi bamba ne; nealue.

Yezu ne bantu — Yezu wakambila bantu bua balua, ne balenga bibangu mu lubadi, mu bianza ne mu makasa ende.

Yezu musomba ne bana — Yezu uvua musue bua bantu bamanya se: yeya uvua Nzambi wabu ne wakafua bua mibi yabu.

Kilisto ne Bena Nefi — Ku umue ne umue bantu ba kalenga bibangu mu lubadi, mu bianza, ne mu makasa a Yezu. Ne bantu bakamanya bua se: uvua Mupandishi.

bantu badi bakukuila Yezu — Pananku bantu bakatumbisha Yezu ne kukulukabu ku makasa ende ne kumukukuilabu.

Yezu udi upesha bantu baluma buakuidi — Yezu wakabikila Nefi ne bantu baluma bakuabo 11 bua balua kudiye. Wakabapesha bukola bua buakuidi ne kubalongesha mushindu mujalama wa kutambuisha.

Yezu udi ulongesha bantu — Wakambila Bena Nefi bua bamuitabuija, bakudimuna mitshima, ne balama mikenji. Bobu kabayi benza nanku, kabakubuela mu bukalenge buende to.

Yezu udi ulongesha bantu — Wakalongesha Bena Nefi mushindu wa kusambila Tatu wa mu Diûlu. Wakabalongesha kabidi pa tshijila ne kubambila se: badi mua kubuikidibua pikalabu babuikidilangana pabu.

Yezu udi ulongesha bantu — Panyima pa mumane kulongesha bantu mâlu abungi, Yezu wakabambila bua balukila ku nzubu yabu bua bela meji ne basambila pa bivuaye muamba.

Bena Nefi badi badila — Bena Nefi bakatuadija kudila. Kabakasua bua Yezu abashiya to.

Yezu udi ulongesha bantu — Yezu uvua munanga Bena Nefi. Wakabambila bua balua ne bantu bavua basama anyi batatshishibua kudiye bua abondopa.

Yezu udi ondopa muana — Yezu wakondopa bantu aba. Bonsu bakatua binu panshi ne kumukukuilabu.