Miyuki ya mu Mifundu

Shapita 5: Ngendu mu Tshipela

“Shapita 5: Ngendu mu Tshipela,” Miyuki ya mu Mukanda wa Molomo (1997), 13–15

“Shapita 5,” Miyuki ya mu Mukanda wa Molomo, 13–15

Shapita 5

Ngendu mu Tshipela

bana balume badi bendela mu tshipela — Mukalenga wakasua ne; bana ba Lehi bikala ne bakaji badi mua kulongesha bana babu lumu luimpa. Wakambila Lehi bua atuma bana bende balukila ku Yelushalema bua bangata dîku dia Yishemaele.

Nefi udi wakula ne Yishemaele — Nefi ne bana babu bakalukila ku Yelushalema. Bakambila Yishemaele tshivua Mukalenga musue bua enza. Yishemaele wakabitaba, ne yeye ne dîku diende bakaya ne bana ba Lehi.

Lamana ne Lemuele badi ne tshiji bua Nefi — Pakadibu mu luendu mu tshipela, Lamana ne Lemuele ne bamue ba ku dîku dia Yishemaele bakadi ne tshiji. Bakasua ne balukila ku Yelushalema.

Nefi udi wakula ne Lamana ne Lemuele — Nefi wakavuluija Lamana ne Lemuele bionsu bivua Mukalenga mubenzela. Wakabambila bua bikala ne ditabuija dinene. Bakadi ne tshiji bua Nefi kadi kabakalukila ku Yelushalema to.

bantu babidi badi baselangana — Nefi, bana babu, ne Zolama bakasela bana ba bakaji ba Yishemaele.

Lehi mukuata Liahona — Mukalenga wakambila Lehi bua atungunuka luendu luende. Mudinda dikuabu Lehi wakapeta dibulungu dia tshiamua tshia kalabi dibikidibua ne Liahona pambelu pa ntenta wende. Divua dileja luseka lua kuyila mu tshipela.

dîku mu luendu — Dîku dia Lehi diakakunguija biakudia ne nteta ne bakabunya ntenta. Bakenza luendu mu tshipela mu matuku abungi, balonda buludiki bua Liahona.

dipata dia nyama — Nefi ne bana babu bavua bambula mata ne miketa bua kuipata nyama ya bobu kudia mu luendu luabu.

buta bukoseka — Buta bua tshiamua tshia mitaku bua Nefi buakakoseka, ne mata a bana babu avua majike bukola. Bana babu kabavua mua kushipa nansha nyama umue to, nunku bonsu bakadi ne tshiji. Lamana ne Lemuele bakadi ne tshiji.

buta bua dibaya — Nefi wakenza buta bua mutshi ne wakakonka tatuende kuakuya bua ipata nyama. Lehi wakapeta buludiki mu Liahona. Nefi wakalonda buludiki ne wakapeta nyama ndambu.

Lehi mukuata Liahona — Liahona uvua wenda anu pavua dîku dia Lehi ne ditabuija, tshisumi, ne ditumika.

Nefi wakalukila ne biakudia — Nefi wakalukila ne nyama yakapetaye. Bonsu bakadi ne disanka bua kupeta biakudia. Bakakema bualu bavua ne tshiji, ne bakasakidila Nzambi bua kubabenesha.

bana bakaji ba Yishemaele — Luendu kaluakadi luteketa to. Ku misangu, dîku dia Lehi divua ditshioka, dipeta nzala ne nyota. Yishemaele wakafua ne bana bende bakaji bakabungama. Bakakula bibi bua Lehi.

Lamana ne Lemuele — Lamana ne Lemuele bakakula pabu. Kabakitaba ne Mukalenga uvua wakula ne Nefi to. Bakasua kushipa Lehi ne Nefi ne balukila ku Yelushalema.

Lamana ne Lemuele — Dîyi dia Mukalenga dia kakula kudi Lamana ne Lemuele. Diakabambila bua kabikadi ne tshiji bua Lehi ne Nefi to. Lamana ne Lemuele bakakudimuna mitshima.

dîku dia Lehi — Dîku dia Lehi diakatungunuka luendu luadi lua lutatu. Nzambi wakabambuluisha ne kubakolesha. Bana bakadi baledibua. Lehi ne Saliya bakapeta bana bakuabu babidi, babikidibua se; Yakoba ne Yosefe.

dîku mu luendu — Panyima pa benza luendu mu tshipela mu bidimu muanda-mukulu, dîku dia Lehi diakafika ku muelelu wa mâyi. Aku bakapeta bimuma ne buitshi. Bakabikila muaba ewu ne; Buvula.