Miyuki ya mu Mifundu

Shapita 7: Kuibaka kua Mazuwa

“Shapita 7: Kuibaka kua Mazuwa,” Miyuki ya mu Mukanda wa Molomo (1997), 21–22

“Shapita 7,” Miyuki ya mu Mukanda wa Molomo, 21–22

Shapita 7

Kuibaka kua Mazuwa

Nefi — Panyima pa dîku dia Lehi dimana kuasa ku kala ka mbuwa bidimu biabungi, Mukalenga wakakula ne Nefi. Wakamuambila bua kuenza mazuwa adi mua kufikisha dîku diende mu bulaba bulaya.

Nefi udi wenza biamua — Nefi kavua mumanya mua kuenza mazuwa to, kadi Mukalenga wakamuambila se neamuleja. Mukalenga wakamuambila kua yeya kuya bua kupeta mabua a kuenza nawu biamua bikalaye nabi dijinga.

Lamana ne Lemuele ne Nefi — Lamana ne Lemuele bavua baseka Nefi bualu uvua ujinga kuenza mazuwa. Kabakitabuija se Mukalenga uvua muleja Nefi mushindu wa kuenza. Bakabenga bua kuambuluisha.

Nefi udi wakula ne Lamana ne Lemuele — Nefi udi wambila Lamana ne Lemuele bua bakudimuna mitshima bua kabatomboki to. Wakabavuluija ne; bakamona muanjelu. Wakabambila kabidi ne; Nzambi udi ne bukola bua kuenza mâlu onsu.

Lamana ne Lemuele badi bakeba kuela Nefi mu mbuwa — Lamana ne Lemule bavua ne tshiji bua Nefi, bakasua kumuela mu mbuwu.

Nefi ne Lamana ne Lemuele — Pakaluabu batangila kudi Nefi, yeya wakabatumina dîyi bua kabamulengi to, bualu yeya uvua mûjibua ne bukola bua Nzambi. Lamana ne Lemuele bavua ne bowa bua matuku abungi.

Lamana ne Lemuele badi badishinda panshi — Mukalenga wakambila Nefi bua kulenga Lamana ne Lemuele. Pakabalenga Nefi, Mukalenga wakabakulula. Lamana ne Lemuele bakamanya se; bukola bua Nzambi buvua ne Nefi.

Nefi — Nefi wakambila Lamana ne Lemuele bua batumikila baledi babu ne Nzambi. Nefi kuamba ne bobu benza nunku ne bikala babeneshibua.

Lamana ne Lemuele badi benza mazuwa — Lamana ne Lemuele badi bambuluisha Nefi bua kuenza mazuwa.

Nefi udi usambila — Nefi wakaya ku mukuna ku misangu ne misangu bua kusambila bua apeta diambuluisha. Mukalenga wa kamulongesha mushindu wa kuenza mazuwa.

mazuwa majikija — Pakajikija Nefi ne bana babu dienza dia mazuwa, bakamona se tshivua mazuwa mimpa. Bakasakidila Nzambi bua diambuluisha diende.