“Shapita 20: Alama ne Neholo,” Miyuki ya mu Mukanda wa Molomo (1997), 54–55
“Shapita 20,” Miyuki ya mu Mukanda wa Molomo, 54–55
Shapita 20
Alama ne Neholo
Kumpala kua Mfumu Mosiya kufua, Bena Nefi bakasungula balumbuluishi bua kubalombolabu. Alama Muana wakalua mulumbuluishi munena wa kumpala. Uvua kabidi mulombodi wa Ekelezia.
Muntu munena, wa makanda ubikibua se Neholo wakabanga kulongesha mafi. Uvua wamba ne bantu bonsu nebapandishibue nansha bobu bikala bantu bimpa anyi babi. Bantu babungi bakitabuijila Neholo.
Neholo uvua uyisha mayisha avua aluisha Ekelezia wa Nzambi, kadi muntu mukuabu muakana ubikidibua se Gideona uvua muikala muimanyina bulelela. Neholo wakabanga kukokangana ne Gideona, kadi Gideona uvua wakula ne mifundu ya Nzambi.
Neholo wakafika tshiji ne kupatula muela wenda ne kushebeyaye Gideona
Neholo wakafikishibua kudi Alama bua bamulumbuluisha. Neholo wakabanga kudiakuila udibingija yeya kayenda.
Kadi Alama wakamba se: Neholo uvua mupîla bualu uvua mulongesha bantu bua kuikala bantu babi ne uvua kabidi mushipa Gideona.
Alama wakamba se Neholo neanyokibue bua dishipa dia Gideona. Bilondeshile ku mikenji, Neholo udi ne bua kufua.
Bakaya ne Neholo too ne pa kakuna, ne bakamushipa. Kumpala kua kufuaye wakamba se malu onsu avuaye muikala mulongesha avua mikala a mashimi. Kadi bantu babungi bakashala bitabuja malongesha a mashimi a Neholo.
Bantu aba bakananga bubanji ne kabavua basue kutumikila mikenji ya Nzambi to. Bavua baseka bidimba bia Ekelezia ne bakokangana nabu, ne babaluangisha.
Bantu bakana bakatungunuka ne ditumikila mikenji ne kabavua badilakana, nansha muvua aba bavua bikala balonda Neholo babakengesha.
Bidimba bia Ekelezia bivua bipeshangana bintu bionsu bivuabu nabi ne bapela, ne bavua bondopa babedi. Bavua batumikila mikenji, ne Nzambi wakababenesha.