Miyuki ya mu Mifundu

Shapita 38: Lufu lua Mulumbuluishi Munena

“Shapita 38: Lufu lua Nzuji Munena,” Miyuki ya mu Mukanda wa Molomo (1997), 103–7

“Shapita 38,” Miyuki ya mu Mukanda wa Molomo, 103–7

Shapita 38

Lufu lua Mulumbuluishi Munena

bantu babi ba Bena Nefi badi bayukila — Bantu babi bakashala balumbuluishi ku mutu kua Bena Nefi. Bavua banyoka bantu bakana, kadi basomba bimpa ne bantu babi.

Nefi — Nefi uvua ne dibungama bua kumona mâlu mabi mukatshi mua bantu.

njila wa ku Zalahemela — Dituku dikuabu, uvua usambila pa tshibumba mu budimi buende. Budimi buende buvua ku njila munena uvua ku tshibuelelu tshia muaba wa tshisalu mu Zalahemela.

Nefi udi usambila — Bantu bavua bapita mu njila bakumvua Nefi usambila. Misumba ya bantu yakatuilangana, idikonka buatshinyi uvua muikala mubungama.

Nefi udi wakula ne bantu — Pakamona Nefi bantu, wakabambila se: uvua muikala ne dibungama bua bubi buabu. Wakabambila bua bakudimuna mitshima.

Bena Nefi badi bateleja Nefi — Wakabadimuija se: bobu kabayi bakudimuna mitshima yabu to, bena lukuna babu nebabanyenga nzubu yabu ne bimenga biabu, ne Mukalenga kakubambuluisha mu mvita yabu ne bena lukuna to.

Nefi udi wakula — Nefi wakamba se: Bena Nefi bavua bikala bantu babi bikola bapita Bena Lamana, bualu Bena Nefi bavua bikala balonga mikenji kadi kabayi bayilama to.

Nefi udi wakula — Wakamba ne; pikala Bena Nefi kabayi bakudimuna mitshima, nebabutudibue.

bantu ba kafika tshiji — Bamua ba ku balumbuluishi babi bavua pabu muabawu. Bavua basua bua bantu banyoka Nefi bualu wakakula bibi buabu ne bua mikenji yabu.

bantu badi bitaba — Bamua bantu bakateleja balumbuluishi babi. Bakuabu bakitabuijila Nefi; bavua bamanya se: uvua muambi, ne uvua wamba bulelela.

Nefi udi wakula — Nefi wakambila bantu se: bavua bikala batombokela Nzambi, ne nebikala ne bua kunyokibua pikalabu kabayi bakudimuna mitshima.

Nefi udi ufunkuna — Nefi wakambila bantu bua kuya katutakana ne mulumbuluishi munena wabu. Neikala mulala mu mashi ende, mushipibua kudi muanabu udi muikala mujinga kushala muaba wende.

bantu badi banyema — Bantu batanu ba mu tshisumbu ba kanyema bua kuya katangila mulumbuluishi munena. Kabavua bitabuija bua se: Nefi uvua muambi wa Nzambi to.

mulumbuluishi munena mufua — Pakamonabu Sezolama, mulumbuluishi munena, mulala mu mashi ende, bowa bua kabakulula panshi. Bakamanya se Nefi uvua muambi.

bantu badi bafunkuna — Bena mudimu ba Sezolama bakamona mulumbuluishi munena ne bakanyema lubilu bua kuambila bantu. Bakapingana ne kusangana bantu batanu balala muaba awu.

bantu mu tshiji — Bantu bavua bela meji se: bantu batanu abu kibavua bikala bashipa Sêzolama.

bantu badi bayukila — Bakakuata bantu batanu abu, kubela mu nzubu wa lukanu ne kutuma diyi mu tshimenga bua kumanyisha bantu se: mulumbuluishi munena uvua muikala mushipa ne bamushipi aba mbedibua mu lukanu.

bantu badi bayukila — Dituku diakalua, bantu bakaya muaba uvua mulumbuluishi munena ujikibue. Balumbuluishi bavua bikala mu budimi bua Bena Nefi bakakonka se: bantu batanu badi kuepi.

balumbuluishi badi bayukila — Balumbuluishi bakalomba bua kumona bashipianganyi bavua bakuatshibua.

bantu bimana kumpala kua balumbuluishi — Bashipianganyi bavuabu bakuata bavua bikala bantu batanu bavua bikala banyema bumbukila mu budimi bua Bena Nefi kudi mulumbuluishi munena.

bantu bimana kumpala kua mulumbuluishi munena — Bantu batanu bakamba se: bavua basangana mulumbuluishi munena mulala mu mashi, anu muvua Nefi muakula. Nunku balumbuluishi bakafunda Nefi bua se: mmutuma muntu bua kushipaye Sêzolama.

bantu batanu basuikibue — Bu muvuabu bamanya se: Nefi uvua muambi, bantu batanu aba bakakokangana ne balumbuluishi, kadi kabavua bajinga mua kubateleja to. Bakasuika Nefi.

mulumbuluishi udi wakula ne Nefi — Balumbuluishi bakalaya Nefi bua kumulekela ne kumupesha makuta pikalaye muamba se: uvua muikala mutuma bantu bua kushipa mulumbuluishi munena.

Nefi musuikibue — Nefi wakambila balumbuluishi bua bakudimuna mitshima bua tshikisu tshiabu. Nanku wakabambila bua baya ku nzubu wa Seantuma, udi muikala muanabu ne Sêzolama.

balumbuluishi badi bakula ne Seantuma — Nefi wakabambila bua bakonka Seantuma; pikala Nefi mutuma bantu bua kushipa Sêzolama. Nefi wakamba ne Seantuma neamba se: “to.”

bantu badi bakuata Seantuma mu tshilamba — Nanku balumbuluishi nebakonka Seantuma bua kumanya; neuvua mushipa muanabu. Seantuma neamba ne; “to“, kadi balumbuluishi nebamona mashi ku tshilamba tshiende.

Seantuma — Nefi wakamba se: Seantuma neazakala ne neateketangana ne pashishe neamba bua se; mmushipa muanabu.

Badi baya ne Seantuma — Balumbuluishi bakaya ku nzubu kua Seantuma, ne mâlu onsu akenzeka bu muvua Nefi muakula. Nefi ne bantu batanu badi balekedibua.

Nefi — Muvua bantu bikala bendela kula ne Nefi, banga bavua bamba ne uvua muambi, bakuabu bamba ne uvua nzambi. Nefi wakaya ku nzubu, ne wakashala anu ne dibungama bua tshikisu tshiabu.