“Shapita 35: Kapitene Moloni ne Paholana,” Miyuki ya mu Mukanda wa Molomo (1997), 95–97
“Shapita 35,” Miyuki ya mu Mukanda wa Molomo, 95–97
Shapita 35
Kapitene Moloni ne Paholana
Kapitene Moloni uvua ne disanka bua kumvua se: Helamana ne masalayi enda bavua banyenga malaba a Bena Nefi mu bienza bia Bena Lamana.
Kadi Helamana ne masalayi enda bavua dijinga ne diambuluisha. Kabavua ne masalayi mapita bua kukuba bimenga biabungi to.
Kapitene Moloni wakafunda Mukanda wa kutumina Paholana, uvua muikala mulumbuluishi munena ne ngovena. Wakalomba kudi Paholana bua atuma masalayi abungi bua kuambuluisha masalayi a Helamana.
Bena Lamana badi baluisha Bena Nefi mu tshimenga tshivua Helamana munyenga. Bakashipa Bena Nefi babungi ne bakipata bakashala pambelu pa tshimenga.
Ne tshiji bua balombodi ba bukalenga bualu kabavua batuma diambuluisha, Moloni wakafunda mukuabu mukanda kudi Paholana.
Kapitene Moloni wakanfunda se: bantu babungi bavua bikala bashipibua bualu Paholana kavua mutuma masalayi abungi to.
Pikala Paholana kayi mutuma ne lukasa bantu ne biakudia, Moloni neangata tshiluilu dienda bua kuya mu Zalahemela bua kuangata bidi tshiluilu nabi dijinga.
Pashisha Moloni udi upeta mukanda ufumina kudi Paholana. Uvua muikala ne dibungama dikola bua Moloni ne tshiluilu tshienda bavua bikala bakenga.
Paholana udi wambila Moloni se: tshisumbu tshia bantu babi ba Bena Nefi babikidibua ne bantu-ba-mfumu katshiakasua bua yeya ikala mulumbuluishi munena to. Bakamuenzeja yeya ne bavua bamutua mpanda bua bapatuka mu Zalahemela.
Paholana wakakumbaja ne uvua muikala ukunguija tshiluilu bua kuteta bua kuangatulula tshimenga tshia Zalahemela.
Bantu-ba-mfumu bakasungula mfumu bua kuikala mulombodi wabu, ne bakadisangisha kudi Bena Lamana.
Paholana kavua muikala mufika tshiji bua bivua Moloni mufunda to. Uvua mujinga penda bua Bena Nefi bikala badishikaminyi.
Wakalomba Moloni bua kulua ne bantu bakesa bua kumuambuluisha, ne wakamba se: pikala Moloni bua kukunguija bantu babungi munkatshi mua njila, tshiluilu tshisangisha tshidi mua kunyenga Zalahemela.
Kapitene Moloni uvua ne disanka bualu Paholana uvua muikala ne lulamatu bua ditunga diende ne bua kujinga budishikaminyi bua bantu bende.
Moloni wakaya kudi Paholana ne bantu benda bakesa. Uvua muikala muambula dibendela dia budikadidi, ne binunu bia bantu biakadikumbaja kudibu munkatshi mua njila.
Tshiluilu tshisambakana tshia Moloni ne Paholana tshiakenda pamua mu Zalahemela. Bakashipa mfumu wa bantu babi ba Bena Nefi ne kukuatabu bantu bende.
Moloni wakatuma nunku biakudia ne masalayi 12,000 bua kuambuluisha biluilu bia Bena Nefi. Biluilu ebi biakipata Bena Lamana pambelu, ne ditalala diakabuela kabidi mu bulaba.