“Shapita 8: Disabuka dia Mbuwu,” Miyuki ya mu Mukanda wa Molomo (1997), 23–24
“Shapita 8,” Miyuki ya mu Mukanda wa Molomo, 23–24
Shapita 8
Disabuka dia Mbuwu
Tshipepela tshikole tshiakasaka mazuwa too ne ku bulaba bulaya.
Lamana, Lemuele, ne bamue bakuabu bakabanga kulua bantu babi. Pakabambila Nefi bua balekela, bakadi ne tshiji ne bakamusuika ne mionji.
Anu bua tshikisu tshiabu, Liahona wakalekela kuleja. Kabakamanya luseka lua kutuma mazuwa to. Tshipepela tshibi tshia kasaka mazuwa panyima mu matuku asatu.
Lehi wakambila Lamana ne Lemuele bua basulula Nefi, kadi kabakamumvua to. Lehi ne Saliya bakanyingalala bua bubi buabu.
Mukaji ne bana ba Nefi bakadila. Bakalomba Lamana ne Lemuele bua basulula Nefi, kadi bakabenga.
Mu dituku dinayi tshipepela tshiakalua tshibi. Mazuwa akadi masue kudina.
Lamana ne Lemuele bavua bamanye se; Nzambi wakadi mutuma tshipepela. Bakadi ne bowa bua kudina.
Kundekelu, Lamana ne Lemuele bakakudimuna mitshima ne kusululabu Nefi. Nansha muvua manungu a bianza biende ne tumpombo tuende biuwula ne bitapika bua mionji, Nefi kakabitangila to.
Ne Nefi wakangata Liahona, ne wakabanga kuleja. Nefi wakasambila, ne tshipepela tshia kimana. Mbuwu wakatalala.
Nefi wakalombola mazuwa, ne a kaya kabidi matangila ku bulaba bulaya.