Miyuki ya mu Mifundu

Shapita 8: Disabuka dia Mbuwu

“Shapita 8: Disabuka dia Mbuwu,” Miyuki ya mu Mukanda wa Molomo (1997), 23–24

“Shapita 8,” Miyuki ya mu Mukanda wa Molomo, 23–24

Shapita 8

Disabuka dia Mbuwu

dîku didi disuika mabuki — Mukalenga wakambila Lehi bua aya ne dîku diende mu mazuwa akibakabu. Bakuuja mazuwa ne bimuma, minyinyi, buitshi ne nteta bua kukuna mu buloba bulaya.

mazuwa adi atuka — Tshipepela tshikole tshiakasaka mazuwa too ne ku bulaba bulaya.

Lamana ne Lemuele badi basuika Nefi — Lamana, Lemuele, ne bamue bakuabu bakabanga kulua bantu babi. Pakabambila Nefi bua balekela, bakadi ne tshiji ne bakamusuika ne mionji.

mazuwa mu tshipepela — Anu bua tshikisu tshiabu, Liahona wakalekela kuleja. Kabakamanya luseka lua kutuma mazuwa to. Tshipepela tshibi tshia kasaka mazuwa panyima mu matuku asatu.

Lehi ne Saliya — Lehi wakambila Lamana ne Lemuele bua basulula Nefi, kadi kabakamumvua to. Lehi ne Saliya bakanyingalala bua bubi buabu.

bantu badi bakokangana — Mukaji ne bana ba Nefi bakadila. Bakalomba Lamana ne Lemuele bua basulula Nefi, kadi bakabenga.

mazuwa adi akeba kudina — Mu dituku dinayi tshipepela tshiakalua tshibi. Mazuwa akadi masue kudina.

Lamana ne Lemuele — Lamana ne Lemuele bavua bamanye se; Nzambi wakadi mutuma tshipepela. Bakadi ne bowa bua kudina.

Nefi ne dîku — Kundekelu, Lamana ne Lemuele bakakudimuna mitshima ne kusululabu Nefi. Nansha muvua manungu a bianza biende ne tumpombo tuende biuwula ne bitapika bua mionji, Nefi kakabitangila to.

Nefi udi mukuata Liahona — Ne Nefi wakangata Liahona, ne wakabanga kuleja. Nefi wakasambila, ne tshipepela tshia kimana. Mbuwu wakatalala.

Nefi udi ulombola mazuwa — Nefi wakalombola mazuwa, ne a kaya kabidi matangila ku bulaba bulaya.