Miyuki ya mu Mifundu

Shapita 15: Alama udi Ulongesha ne Utambuisha

“Shapita 15: Alama udi Ulongesha ne Utambuisha,” Miyuki ya mu Mukanda wa Molomo (1997), 43–44

“Shapita 15,” Miyuki ya mu Mukanda wa Molomo, 43–44

Shapita 15

Alama udi Ulongesha ne Utambuisha

Alama udi ufunda — Alama wakanyema basadidi ba Mfumu Noa ne wakasokoma mu matuku a bungi. Pavuaye musokoma, uvua ufunda bivua muambi Abinadi mulongesha.

Alama udi ulongesha bakuabu bantu — Alama wakakudimuna mutshima ne wakaya mu musokoku kudi Bena Nefi, kubalongeshaye mêyi a Abinadi. Alama wakambila bantu bua bikala ne ditabuija mu Yezu kilisto ne bakudimuna mitshima.

Alama — Munkatshi mua dituku, Alama uvua muikala usokoma mu tshipuka tshia mitshi tshivua pabuipi ne Mâyi a Molomo.

Alama udi utambuisha bantu — Aba bavua bitabuijila malongesha a Alama bavua babuela mu Mâyi a Molomo ne batambuishibua. Alama wakatambuisha bantu 204 mu Ekelezia wa Kilisto.

Alama udi ujidila bakuidi — Alama wakajidila bakuidi bua balongesha bantu. Wakambila bakuidi bua balongesha dikudimuna dia mutshima ne ditabuija mu Yezu Kilisto. Wakabambila bua kabakokianganyi to, kadi bikala tshintu tshimua.

bantu badi bapeshangana bintu — Bantu ba Alama bavua ne dinanga ne bavua bambuluishangana. Bavua babanyangana bintu bionsu bivuabo nabi ne bavua ne disanka bualu bakamanya Yezu Kilisto, Musungidi wabu.

Basadidi ba Noa badi batentekela Alama — Bena mudimu ba mfumu Noa bakamona Alama ulongesha bantu. Mfumu wakela meji se Alama udi usaka Bena Nefi bua bamutombokela, nunku wakatuma tshisumbu tshiende tshia masalayi bua kubashipa.

Alama ne bantu bende badi banyema — Nzambi wakadimuija Alama bua tshisumbu tshia masalayi tshia Mfumu Noa tshivua tshilua. Bantu bakasangisha mêku abu, ne nyama yabu, ne bionsu bivuabu nabi ne bakanyemena mu tshipela.

Basalayi ba Mfumu Noa — Nzambi wakakankamika bantu ba Alama bua banyema masalayi a Mfumu Noa. Tshiluilu tshia mvita tshia kabakeba kadi katshia kabamona nansha.

Bantu badi bakuna — Panyima pa benza luendu mu tshipela mu matuku muanda mukulu, bantu ba Alama bakafika pa muaba mulenga uvua ne mâyi matoka apueka. Bakakunapu bia kupola ne bakibaka nzubu minena.

Alama udi wakula ne bantu — Bantu bavua bajinga bua Alama alua Mfumu wabu, kadi Alama wakamba ne Nzambi kavua musue bua bapeta Mfumu to. Nzambi uvua musue bua bikala ne budishikaminyi.