“Shapita 47: Yezu Kilisto udi Ubenesha Bayidi Bende,” Miyuki ya mu Mukanda wa Molomo (1997), 131–33
“Shapita 47,” Miyuki ya mu Mukanda wa Molomo, 131–33
Shapita 47
Yezu Kilisto udi Ubenesha Bayidi Bende
Dimua dituku pakadi bayidi badisangisha pamue mu milombo ne masambila, Yezu Kilisto wakalua kudibu.
Bayidi bakamukonka dina divuabu ne bua kubikila Ekelezia. Yezu kuamba ne; udi ne bua kubikidibua mu dina diende bualu uvua muikala Ekelezia wende.
Yezu wakumvuija kudi bayidi bende ne; Tatu wa mu Diûlu wakadi mumutuma pa buloba bua afila moyo wende bua bantu bonsu.
Wakamba bua; eu yonsu udi ukudimuna mutshima, utambula mu dina diende, ne utumikila mikenji, yeye ne imana kumpala kua Tatu wa mu Diûlu mubingishibua.
Mupandishi wakambila bayidi bende bua benza mâlu akadibu bamumona wenze. Wakadi mubaleja tshilejelu.
Wakabambila kabidi bua bafunda biakadibu bamona ne bumvua, bua kuambuluisha bakuabu bua babimanya.
Yezu wakakonka bayidi bende tshiakadibu basue bua yeye abenzela. Tshitema tshia mu bobu tshiakasua kuikala nende pajika matuku a mioyo yabu pa buloba.
Yezu wakabalaya bua se; pafikishabu bidimu 72, bobu nebaya kudiye mu Diûlu.
Bayidi bakuabu basatu kabakasumpakana bua kuamba tshivuabu bajinga to, kadi Yezu wakadi mumanya. Bakasua bua bashala pa buloba ne balongesha lumu luimpa too ne palua Yezu kabidi.
Mupandishi wakabalaya ne; bobu kabakusama anyi kubungama to, ne kabakufua to. Nebikala ne bua kulongesha bantu lumu luimpa too ne paluaye.
Yezu wakalenga muyidi yonsu pakumbusha basatu bavua basua kushala pa buloba. Ne wakabashiya.
Bayidi basatu bakadi bangatshibua ku diûlu, kua kadibu bamona ne bumvua mâlu a disanka diabungi. Bakadi mu tshipidia tshikumbana bua kuteleja mâlu a Nzambi.
Mibidi yabu yakadi mikudimukibua mu mushindu wa se; kabakufua to.
Bayidi basatu bakalukila pa buloba ne kutuadija kuyisha ne kutambuisha.
Bantu babi ba Bena Nefi bakela bayidi basatu mu nzubu wa lukanu ne mu bina bile, kadi bukola bua Nzambi buakabambuluisha bua bapatuka.
Pakadibu babasakila mu mfulu wa kapia ne mu buina bua nyama ya lonji, bakakubibua ku bukola bua Nzambi kabidi.
Bayidi basatu bakatungunuka mu kuyisha lumu luimpa lua Yezu Kilisto kudi Bena Nefi. Batshidi anu batungunuka ne kuyisha lumu luimpa luende.