“Shapita 6: Tshilota tshia Lehi,” Miyuki ya mu Mukanda wa Molomo (1997), 18–20
“Shapita 6,” Miyuki ya mu Mukanda wa Molomo, 18–20
Shapita 6
Tshilota tshia Lehi
Lehi wakambila dîku diende bua tshimonyi tshia mushinga tshia kamonaye mu tshilota. Tshilota tshia Lehi tshiakamushiya mu disanka bua Nefi ne Sama kadi tshia kamubungamija bua Lamana ne Lemuele.
Mu tshilota tshiende wakamona muntu muluata nkanzu mutoka ne wakamuambila bua amulonda. Lehi wakalonda muntu awu mu tshipela tshifika ne tshipuwa.
Panyima pa muenza luendu mu muidima bua meba abungi, Lehi wakasambila bua kupeta diambuluisha.
Nunku wakamona mutshi ne tshimuma tshitoka. Tshimuma tshimpa etshi tshivua tshifila disanka kudi ewu yonsu uvua utshidia.
Lehi wakadia tshimuma, ne tshia kamuuja ne disanka. Wakasua bua dîku diende dilabula tshimuma, bualu wakadi mumanya se; netshibapa pabu disanka.
Lehi wakamona musulu upueka pabuipi ne mutshi. Ku mutu kua musulu awu, wakamona Saliya, Sama, ne Nefi.
Lehi wakabikila mukajiende ne bana bende bua balua, ne balabula tshimuma. Saliya, Sama, ne Nefi bakaya ne bakalabula tshimuma, kadi Lamana ne Lemuele kabakalua to.
Lehi wakamona kabidi mulonda wa tshiamua ne kajila kalulame ne kakese kalombola ku mutshi.
Wakamona bantu babungi benda baya mu kajila. Anu bua dibungi dia mîdima, bamue kabakamona njila ne bakajimina.
Bakuabu bakakuata bikola ku mulonda wa tshiamua ne kutungunukabu ne mu mîdima too ne ku mutshi. Bakalabula tshimuma.
Bantu bavua bikala mu nzubu mualabale ku luseka lukuabu lua musulu, bakaseka aba bavua badia tshimuma. Bamua bavua badia tshimuma bakakuatshika bundu ne kumbuka ku mutshi.
Lehi wakamona bantu babungi mu tshilota tshiende. Bamue bakakuata bakimanyina ku mulonda wa tshiamua ne kuendelabu mu mîdima too ne ku mutshi. Bakalabula tshimuma. Bamue bakaya ku nzubu mualabale anyi bakadina mu musulu anyi bakajimina. Lamana ne Lemuele bakabenga bua kudia tshimuma. Lehi wakanyingalala buabu, ne kutetaye bua kubambuluisha bua batumikila mikenji ya Nzambi.