Miyuki ya mu Mifundu

Shapita 2: Lehi udi Udimuija Bantu

“Shapita 2: Lehi udi Udimuija Bantu,” Miyuki ya mu Mukanda wa Molomo (1997), 5

“Shapita 2,” Miyuki ya mu Mukanda wa Molomo, 5

Shapita 2

Lehi udi Udimuija Bantu

muambi udi ulongesha — Bantu babungi bavua bikala basangidibua mu Yelushalema mu bidimu 600 kumpala kua diledibua dia Kilisto, bavua bikala bantu babi. Nzambi wakatuma bambi bua kubambila se; bakudimuna mitshima, kadi kabakasue kumvua to.

Lehi ne dikunji dia kapia — Lehi uvua muambi. Wakasambila bua se bantu bakudimuna mitshima. Pakadiye munkatshi mua kusambila, dikunji dia kapia dia kamueneka. Nzambi wakambila Lehi ne kumulejaye mâlu abungi.

Lehi udi upeta tshimonyi — Lehi wakapingana kumbelu ne wakapeta tshimonyi. Wakamona Nzambi munyungulukibua kudi banjelu babungi. Banjelu bavua bimba ne batumbisha Nzambi.

tshimonyi tshia Lehi — Mu tshimonyi tshiende, bakapesha Lehi mukanda uvua wamba bialua kuenzeka mu matuku atshilualua. Wakabala bua se; Yelushalema neikala ne bua kubutudibua bualu bantu bavua ne tshikisu.

Lehi udi wakula ne bantu — Lehi udi wambila bantu bua se; Yelushalema neikale ne bua kubutudibua. Wakamba kabidi bua dilua dia Yezu. Bantu bavua bikala ne tshiji, ne bakeba kushipa Lehi, kadi Mukalenga wakamulama.