Miyuki ya mu Mifundu

Shapita 26: Bantu ba Amona

“Shapita 26: Bantu ba Amona,” Miyuki ya mu Mukanda wa Molomo (1997), 73–74

“Shapita 26,” Miyuki ya mu Mukanda wa Molomo, 73–74

Shapita 26

Bantu ba Amona

Mosiya udi ulongesha Bena Lamana — Bana ba baluma ba Mosiya bakalongesha dîyi dia Nzambi kudi Bena Lamana. Bena Lamana tshinunu bakakudimuna mitshima ne bakabuela mu Ekelezia.

Bena Anti-Nefi-Lehi — Bena Lamana bavua babuela mu Ekelezia bakadibikala nkayabu se: Bena Anti-Nefi-Lehi, anyi bantu ba Amona. bavua bikale bimpa, ne bantu benji ba midimu mikola.

Bena Lamana badi badilongolola bua mvita — Bena Lamana bavua kabayi bakudimuna mitshima bakadi ne tshiji bua bantu ba Amona ne bavua ba dilongolola bua kubaluisha.

bantu ba Amona — Bantu ba Amona bavua bamanya se bantu babi ba Bena Lamana bavua balua bua kubashipa, kadi kabakajinga bua kubaluisha to. Bavua bakudimuna mitshima ku dishipangana.

bantu badi bajîka biamua bia mvita. — Bakajîka biamua biabu bia mvita muinshi mua malaba ne bakalaya Nzambi bua kabashipi kabidi to.

Bena Lamana badi balua ne bantu badi basambila. — Pakalua bantu babi ba Bena Lamana, bakabanga kubashipa, bakinama panshi ne bakasambila.

Bena Lamana bakanyunguluka bantu ba Amona — Bakamona ne bantu ba Amona kabavua bananga bua kuluangana mvita to, Bena Lamana babungi babi bakimanyikija kubashipa.

Bena Lamana badi bateka biamua bia mvita panshi — Bena Lamana bakanyingalala bualu bakashipa. Bakimansha panshi biamua biabu bia mvita ne kushalabu pabu munkatshi mua bantu ba Amona. Kabakasua kabidi kuluangana mvita to.

Bena Lamana badi bashipa bantu ba Amona — Bena Lamana babungi bakalua bua kushebeya bantu ba Amona. Bobu kabakajinga mua kuluangana kabidi to, ne babungi babu bakashipibua.

Amona udi usambila — Bumuvuaye kayi mujinga bua kumona bantu bavuaye munanga babutudibua, Amona wakasambila bua diambuluisha. Mukalenga wakamuambila bua kuangata bantu bende ne kumbuka mu bulaba.

bantu ba Amona ne Bena Nefi ba mu Zalahemela — Bena Nefi bavua mu Zalahemela bakapesha Amona ne bantu bende bulaba bua Yêshona ne bakabakuba. Bakalua balunda.