Miyuki ya mu Mifundu

Shapita 17: Alama ne Bantu Bende Badi Banyema

“Shapita 17: Alama ne Bantu Bende Badi Banyema,” Miyuki ya mu Mukanda wa Molomo (1997), 47–48

“Shapita 17,” Miyuki ya mu Mukanda wa Molomo, 47–48

Shapita 17

Alama ne Bantu Bende badi Banyema

bantu badi badima — Dimue dituku; pavua bantu ba Alama munkatshi mua kudima, masalayi a Bena Lamana akasambuka mikalu ne kubuela mu bulaba buabu.

Alama udi wakula ne bantu — Bena Nefi bakadi ne bowa; ne bakanyema lubilu batangila ku tshimenga bua bukubi. Alama wakabambila bua bavuluka Nzambi bualu neabambuluishe. Bena Nefi bakatuadija kusambila.

Alama udi wakula ne Bena Lamana — Mukalenga wakatalaja mioyo ya Bena Lamana, ne kabakakengesha Bena Nefi to. Bena Lamana aba bavua bajimina pavuabu benda bakeba bantu ba Mfumu Limi.

Alama udi uleja Bena Lamana njila wa kualukidila muabu. — Bena Lamana bakalaya Alama bua se: kabakuenzela bantu bende bibi pikalaye mubaleja mushindu wa kualukila mu bulaba buabu. Alama wakabaleja njila.

Bena Lamana badi balama bantu ba Alama — Kadi Bena Lamana kabakalama mulayi wabu to. Bakateka basalayi banyunguluka bulaba, ne Alama ne bantu bende kabakadi kabidi mu budishikaminyi to.

Amulona udi wakula ne musalayi wa Bena Lamana — Mfumu wa Bena Lamana wakateka Amulona bu mulombodi wa bantu ba Alama. Amulona wakadi Muena Nefi ne muakuidi mubi wa Mfumu Noa.

Amulona udi utangila bantu benza mudimu — Amulona wakenzeja bantu ba Alama midimu mikola. Bavua basambila bua diambuluisha, kadi Amulona wakabambila se: eu yonsu wapetabu usambila neashipibua. Bantu bakatungunuka ne kusambila mu mioyo yabu.

nsongalume muambula tshisaka — Nzambi wakumvua masambila abu ne kukoleshaye bantu, ne mudimu wabu wakalua mupepela. Bantu bakadi ne disanka ne lutulu.

Nzambi udi wakula ne Alama — Nzambi wakasanka bualu bantu bavua ne lulamatu. Wakambila Alama bua se neabambuluisha bua kunyema kumpala kua Bena Lamana.

Bantu ba Alama munkatshi mua kunyema — Munkatshi mua butuku bantu bakakunguija biakudia biabu ne nyama yabu. Mudinda muakalonda, Nzambi wakalama Bena Lamana mu tulu pavua Alama ne bantu bende bumuka tshimenga.

Mfumu Mosiya udi wakidila Alama — Panyima pa benza luendu mu matuku 12, bobu bakafika ku Zalahemela, Mfumu Mosiya ne bantu bende bakabakidila koku aku.