“Shapita 13: Zenife,” Miyuki ya mu Mukanda wa Molomo (1997), 36–37
“Shapita 13,” Miyuki ya mu Mukanda wa Molomo, 36–37
Shapita 13
Zenife
Zenife ne tshisumbu tshia Bena Nefi bakumuka ku nzubu yabu mu Zalahemela ne kuenza luendu ku bulaba bua Nefi, kuakadi Bena Nefi bakuabu bikalangana kala.
Bakasangana Bena Lamana basombela momu. Zenife ne bantu bende banayi bakaya ku tshimenga bua kuakula ne mfumu. Bakalomba Mfumu Lamana ne badi mua kusomba mu bulaba buende.
Mfumu Lamana wakamba ne badi mua kuangata bimenga bibidi biende. Mfumu wakasua bua bobu basomba mu bulaba buende bua abavuija bapika bende.
Bantu ba Zenife bakibaka nzubu ne kuenza bimanu kumpenga kua bimenga biabu. Bakadima mishindu ya nteta yonsu yabungi ne bimuma. Bavua kabidi ne nyama ya dimuna.
Mfumu Lamana wakambila bantu bende se; Bena Nefi badi benda balua ne bukola buabungi. Pananku, Bena Lamana babungi bakaya kuluangisha Bena Nefi ne kuiba nyama ne bia mu madimi abu.
Bena Nefi bakanyema ne kuya ku tshimenga tshia Nefi. Aku Zenife wakaluatshika bantu ne mata ne miketa, miela ya mvita, mfimbu, ne bia kukupa nabi mabua. Bakaya kuluangisha Bena Lamana.
Kumpala kua bobu kuluangana, Bena Nefi bakasambila bua kulomba Nzambi diambuluisha. Nzambi wakabenesha Bena Nefi ne bukola buabungi, ne bakatshimuna Bena Lamana.
Panyima pa mvita, Zenife wakateka balami banyunguluka bimenga. Wakajinga kukuba bantu bende ne nyama yabu kumpala kua Bena Lamana.
Bena Nefi bakasomba mu ditalala mu bidimu biabungi. Bantu baluma bakadi benza midimu mu madimi, ne ba mamu bavua batela ne benza bilamba.
Mfumu Lamana wakafua ne muanende wakamupingana. Mfumu mupia-mupia wakatuma masalayi ende bua kuluangisha Bena Nefi.
Bena Nefi bakapeta kabidi bukola bua kudi Nzambi. Bakashipa Bena Lamana babungi, ne bakashala bakanyema.