“Shapita 52: Dibutuka dia Bena Yalede,” Miyuki ya mu Mukanda wa Molomo (1997), 149–51
“Shapita 52,” Miyuki ya mu Mukanda wa Molomo, 149–51
Shapita 52
Dibutuka dia Bena Yalede
Bena Yalede bakavulangana ne bakalua babanji. Bakasungula mfumu bua ikala mulombodi wabu.
Bidimu biabungi biakapita, ne Bena Yalede bakalua bantu babi. Mukalenga wakambila bantu bua bakudimuna mitshima, tshianana nebabutuka.
Bantu kabavua bateleja bambi to. Bakateta kubashipa.
Kuvua mvita ne tshiyola mu bulaba. Bena Yalede babungi ba kafua.
Mukalenga wakatuma muambi mukuabu, dina diende Etele. Wakayisha kubangila mudinda too ne dilolu, uvua wambila Bena Yalede bua bitabuja Nzambi ne bakudimuna mitshima.
Etele wakambila Bena Yalede se; bobu bitabuija Nzambi, nekulua matuku makuabu asombabu ne Tatu wa mu Diûlu mu buloba bulenga.
Etele wakambila Bena Yalede malu a mushinga, kadi kabavua bamuitabuija to. Bakamuipata mu tshimenga.
Etele wakasokama mu lubuebue munda mua dituku dijima bua kabamushipi to. Butuku, uvua upatuka bua kumona bivua bipitakana mu Bena Yalede.
Wakajikija kufunda malu a Bena Yalede pavuaye musokoma.
Mukalenga wakatuma Etele kudi Koliantumela, uvua muikala Mfumu mubi wa Bena Yalede. Etele wakamuambila bua akudimuna mutshima, tshianana neikala ne mua kumona bantu bende bashipibua.
Koliantumela ne bantu bende kabakakudimuna mitshima to. Bakajinga bua kushipa Etele, kadi Etele wakanyema ne kusokomaye mu lubuebua.
Bantu bavua bikala babi, ke bualu kayi Mukalenga wakatshipa bulaba. Kabavua ne mushindu wa kuteka biamua biabu anyi miela panshi to, bualu dituku divua dilonda kipatshila kavua mua kujimina.
Bena Yalede bonsu bavua bikala baluangana mu mvita, pamua ne bantu bakaji ne bana. Koliantumela uvua ulombola tshiluilu tshimua, ne muntu mukuabu Shiza uvua ulombola tshiende.
Koliantumela ne Shiza bavua bubidi buabu bantu babi. Nyuma wa Tshijila wakumbuka kudi Bena Yalede kupitshila ku bubi buabu. Satana uvua ne bukokeshi pa bobu.
Bena Yalede bakaluangana mvita too ne mua kashala Koliantumela ne Shiza bobu nkayabu. Pakatshioka Shiza kupitshila ku mashi abungi avuaye muikala mujimija, Koliantumela wakamukosa mutu.
Mêyi a muambi Etele akakumbana: Koliantumela uvua wandekelu mu Bena Yalede uvua mushala ne moyo. Bantu ba mu Zalahemela bakamusangana.
Etele wakajikija kufunda mâlu a Bena Yalede. bakabutuka anu bua bubi buabu. Pashisha, Bena Nefi bakapeta miandiku ya Bena Yalede.