“Shapita 30: Alama udi Ubela Bana Bende ba Balume,” Miyuki ya mu Mukanda wa Molomo (1997), 82–84
“Shapita 30,” Miyuki ya mu Mukanda wa Molomo, 82–84
Shapita 30
Alama udi Ubela Bana Bende ba Balume
Alama wakanyingalala muakadi Bena Nefi balue bantu babi. Wakakula ne bana bende ba balume umue ne umue bua bikala ne moyo muakana.
Alama wakambila Helamana, muanende wa kumpala, bua eyemena Nzambi. Wakamuambila bua muanjelu wakatuma Nzambi bua kuambila Alama bua alekela kunyanga Ekelezia.
Mu matuku asatu Alama wakakenga bua mibi yende. Nunku wakavuluka malongesha a tatuende akula bua Yezu, ne uvua mumanya se mibi yende idi mua kubuikidibua.
Alama wakasambila bua dibuikidibua dia mibi yende, ne disanka dia kapingana muaba wakadi usama mu mutshima wende. Wakafuidibua luse bualu uvua ne ditabuija mu Yezu Kilisto, ne uvua mukudimuna mutshima.
Katshia ku dituku adi, Alama wakalongesha bantu bakuabu lumu luimpa bua bumvua pabu disanka diakadiye mumvua. Nzambi wakabenesha Alama anu bua kueyemena kuenda kudi Nzambi.
Alama wakapesha Helamana miandiku ya tshijila ne kumuambilaye bua atungunuka kufunda muyuki wa bantu babu.
Alama wakamuambila se: biatumikilaye mikenji, Nzambi neamubenesha ne neamuambuluishe bua akuba miandiku.
Alama wakambila kabidi Helamana bua asambila mudinda monsu ne butuku bua kuambila Nzambi mâlu onsu adiye wenza, bua Nzambi amulombola.
Alama wakadi ne disanka bua muanende Shibulona, wakadi muena bukenji wa tshishiki mu Bena Zolama. Shibulona wakashale mulamate nansha muvuabu bamuasa mabue.
Alama wakavuluija Shibulona se: mushindu umue wa kusungidibua udi anu kupitshila kudi Yezu Kilisto. Nanku Alama wakakankamika muanende bua atungunuka kuyisha lumu luimpa.
Muana wa Alama Koliantona kavua mulama mikenji to. Kakadi muena bukenji muimpa pakadibo bayisha Bena Zolama to.
Kupitshila ku tshiakenza Koliantona, Bena Zolama kabakasua kuitaba malongesha a Alama to.
Alama wakambila Koliantona se: bantu kabena mua kusokoka mibi yabu kudi Nzambi to, Ne Koliantona uvua ne bua kukudimuna mutshima.
Alama wakalongesha muanende bua se: bantu bonso ne babika ku lufu, kadi anu bakane kebasomba ne Nzambi.
Moyo ewu udi tshikondo tshia bantu kukudimuna mitshima ne kuenzela Nzambi mudimu.
Uvuluija Koliantona bua se wakadi mubikidibua bua kuikala muena bukenji, Alama wakamuambila bua alukila kudi Bena Zolama ne alongesha bantu bua bakudimuna mitshima.
Alama ne muanende bakatungunuka kuyisha lumu luimpa. Bakalongesha kupitshila ku bukola bua buakuidi.