Miyuki ya mu Mifundu

Shapita 16: Mfumu Limi ne Bantu Bende Badi Banyema

“Shapita 16: Mfumu Limi ne Bantu Bende Badi Banyema,” Miyuki ya mu Mukanda wa Molomo (1997), 45–46

“Shapita 16,” Miyuki ya mu Mukanda wa Molomo, 45–46

Shapita 16

Mfumu Limi ne Bantu Bende Badi Banyema

Bena Lamana badi batangila bantu mu budimi — Bena Lamana bakakuata Bena Nefi babungi bavua kabayi banyema ne Mfumu Noa. Bena Lamana bakabangata ne kubapesha bulaba kadi bakabafutshisha bitadi bivula.

Mfumu Limi — Bena Nefi bakateka Limi bu mfumu wabu mupia-mupia. Limi uvua muana wa Mfumu Noa, kadi kavua muntu mubi bu muvua tatuenda nansha. Uvua muntu muimpa.

Bena Lamana badi bakuma Bena Nefi mfimbu — Limi wakajinga bua kuteka ditalala ne Bena Lamana, kadi bakatunguluka ne kulama Bena Nefi mu lonji luabungi.

Bena Nefi badi bakuatshibua — Dituku dikuabu Mfumu Limi wakamona bantu ba mu bulaba bukuabu mpabelu pa tshimenga. Wakabela mu nzubu wa lukanu. Bantu ba mu bulaba bukuabu aba bavua bikala Bena Nefi bafumina ku Zalahemela.

Amona udi wakula ne Limi — Dina dia mulombodi wabu divua Amona. Mfumu Limi uvua ne disanka bua kumumona. Uvua mutuishibua bua se Amona neambulisha bantu bende bua kunyema kumpala kua Bena Lamana.

Mfumu Limi udi wakula kudi bantu — Mfumu Limi wakabikila bantu bende pamue. Wakabavuluija se: bubi buabu kebuvua bubelesha mu bupika kudi Bena Lamana.

Limi udi wakula — Udi wambila bantu bende bua bakudimuna mitshima, bikala beyemena Nzambi ne batumikila mikenji yende. Nunku Nzambi neabambuluisha bua kunyema.

Bena Lamana badi bakula — Bena Nefi bakamanya se: Bena Lamana bavua bikala balama tshimenga bavua bakuatshika mvinyo butuku bonsu.

Bena Nefi badi batumina balami mvinyo — Butuku abu, Mfumu Limi wakatuma mvinyo wabungi kudi balami bu tshintu tshia disanka.

Limi ne bantu bende munkatshi mua kunyema — Mfumu Limi ne bantu bende bakakumbana mua kupita kumpala kua balami bavua bakuatshika; ne bobu bakanyema.

bantu badi bakidibua bimpa mu Zalahemela. — Amona wakalombola Mfumu Limi ne bantu bende kumbukila mu tshipela too ne mu Zalahemela, muvuabu bakidibua bimpa.