Miyuki ya mu Mifundu

Alama 18: Alama Muana udi Ukudimuna Mutshima

“Alama 18: Alama Muana udi Ukudimuna Mutshima,” Miyuki ya mu Mukanda wa Molomo (1997), 49–52

“Alama 18: Alama Muana udi Ukudimuna Mutshima,” Miyuki ya mu Mukanda wa Molomo, 49–52

Shapita 18

Alama Muana udi Ukudimuna Mutshima

Alama udi ujidila bantu — Mfumu Mosiya wakateka Alama mulombodi wa Ekelezia mu Zalahemela. Nunku Alama wakasungula bakuabu bantu bua kumuambuluisha bua kulongesha Bena Nefi.

bena kuitabuija badi bakengeshibua — Alama ne Mfumu Mosiya, bakapampakana bualu aba bavua kabayi bitaba bavua bakengesha bidimba bia Ekelezia bua ditabuija diabu.

Alama Muana — Alama uvua ne muana wa balume dina diende divua Alama. Alama Muana kavua muitabuija malongesha a tatuenda to, ne wakalua muntu mubi.

Alama Muana ne bana ba balume ba Mfumu Mosiya. — Alama Muana ne bana banayi balume ba Mfumu Mosiya bavua baluisha Ekelezia. Bakasaka bantu babungi bua kumbuka mu Ekelezia ne bua balua bantu babi.

Alama udi usambila — Alama wakasambila bua muanenda wa balume amanya bulelela ne akudimuna mutshima.

Alama Muana ne bana ba balume ba Mfumu Mosiya. — Alama Muana ne bana ba balume ba Mfumu Mosiya bakatungunuka ne dibutula Ekelezia.

muanjelu udi umuenekela bantu — Dituku dikuabu muanjelu wakabamuenekela. Muanjelu wakakula mu dîyi dikola divua dinyungisha buloba.

bansongalume bakadi bazakala bua muanjelu — Bansongalume batanu aba bakazakala ne bakakuluka panshi. Kumpala kabakumvua bivua muanjelu muikala wakula to.

muanjelu udi wakula ne Alama Muana — Muanjelu wakalua kupitshila ku masambila a bidimba bia Ekelezia. Muanjelu wakakonka Alama Muana: bua tshinyi uvua muikala uluisha Ekelezia.

Alama Muana — Buloba buakakanka pavua muanjelu wambila Alama Muana bua alekela kubutula Ekelezia.

bansongaluma badi bakuluka panshi — Alama Muana ne bana baluma ba Mosiya bakakuluka kabidi panshi. Bakamona muanjelu, ne bakamanya se bukola bua Nzambi ke buvua bukankisha buloba.

Alama Muana panshi — Alama Muana wakakema bikola bualu kavua ne mua kuakula to. Wakashala mutshioka ne kavua nansha mua kunyungisha bianza biende to.

Badi bambula Alama Muana — Bana ba balume ba Mosiya bakafikisha Alama Muana kudi tatuende ne bakamuambila bionsu bivua bibafikila.

Alama udi usambila — Alama uvua ne disanka. Wakamanya se Nzambi uvua muandamuna ku masambila ende.

Alama Muana pa bulalu — Alama wakakunguija bantu babungi bua bamona tshivua Mukalenga muenzela muanende wa balume ne bana ba balume ba Mosiya.

Alama udi ubenesha muanende — Alama ne bakuabu balombodi ba Ekelezia, bakenza tshijila ne bakasambila bua kulomba Nzambi bua ambuluisha Alama Muana bua yeya apeta makanda kabidi.

Alama Muana udi wakula ne tatuende — Panyima pa matuku abidi ne butuku, Alama Muana wakakumbana bua kuakula ne kunyungakana.

Alama Muana udi wakula ne bantu — Wakambila bantu se: uvua mukudimuna mutshima wende ne Nzambi uvua mumubuikidila mibi yende.

Alama Muana udi ulongesha — Wakalongesha bua se: muntu yonsu udi ne bua kuikala mujalama bua kubuela mu bukalenga bua Nzambi. Wakabambila kabidi bua kusama kukola kuvuaye naku bua bualu bua mibi yende.

Alama Muana — Alama Muana uvua ne disanka bualu uvua mukudimuna mutshima ne Nzambi uvua mumubuikidila mibi yende. Uvua mumanya ne Nzambi mmumunanga.

bantu badi balongesha — Alama Muana ne bana ba balume ba Mosiya bakabangisha kulongesha bulelela mu bulaba bujima, bambila bantu bonsu bivuabu bamona ne bumvua.

Alama Muana udi ulongesha bantu — Bakateta bua kuakaja mâlu onsu mabi avuabu benza. Bavua bumvuija mifundu kudi bantu ne babalongesha bua Yezu Kilisto.

Alama Muana udi utambuisha bantu — Nzambi wakabenesha Alama Muana ne bana ba balume ba Mosiya bualu bavua balongesha lumu luimpa. Bantu babungi bavua babateleja ne bitabuija.