“Shapita 51: Bena Yalede badi Benza Luendu Batangila ku Bulaba Bulaya,” Miyuki ya mu Mukanda wa Molomo (1997), 145–48
“Shapita 51,” Miyuki ya mu Mukanda wa Molomo, 145–48
Shapita 51
Bena Yalede badi Benza Luendu Batangila ku Bulaba Bulaya
Pakadi Bena Yalede basabuka mbuwa, muanabu ne Yalede wakapua moyo bua kusambila. Mukalenga wakalua mu dibungi bua kumuambila bua akudimuna mutshima.
Muanabu ne Yalede wakakudimuna mutshima ne kusambilaye. Mukalenga wakabuikidila muanabu ne Yalede mibi yenda kadi kumuambilaye bua kenji mibi kabidi to.
Mukalenga wakambila muanabu ne Yalede bua kuenza buâtu bua kuya ne bantu bende mu bulaba bulaya.
Mukalenga wakambila muanabu ne Yalede mushindu wa kuenza mâtu.
Mâtu avua menza kaayi masosu mu mushindu wa mâyi kaayi mua kubuela.
Muanabu ne Yalede uvua udikonka mushindu wapeta bantu lupepela munda mua mâtu. Wakakonka Mukalenga tshidiye mua kuenza.
Mukalenga wakamuambila bua kutubula masosu pamutu ne luseka lua buâtu bonsu. Masosu neikala mua kubueja lupepela munda, ne makangikibua bua mâyi ashala pambelu.
Muanabu ne Yalede wakambila Mukalenga ne: munda mua mâtu mmufika. Mukalenga wa kamukonka bua elameji mushindu kayi udibu mua kupeta bukenka munda mua mâtu.
Bukenka bua mu mâtu kabuvua mua kulua bufuma ku kapia, nansha ku fenetela, bualu buvua bujima.
Muanabu ne Yalede wakaya ku mukuna ne kuenzaye mabua makesa 16 mafumina ku lubuebua. Mabua avua amueka mikala matoka bu lumuenu. Wakenza mabua abidi bua nseka yonsu ya buâtu.
Muanabu ne Yalede udi uya ne mabua kumutu kua mukuna. Wakasambilaku Mukalenga.
muanabu ne Yalede wakalomba bua Mukalenga alenga mabua bua afila bukenka mu mâtu.
Mukalenga wakalenga dibua dionsu ne munu wende.
Kupitshila ku ditabuija dinena dia muanabu ne Yalede, wakamona munu wa Mukalenga. Uvua mufuanangana ne munu wa muntu.
Mukalenga wakadileja yeya nkayenda kudi muanabu ne Yalede.
Yezu wakamba ne: aba badi bikala bamuitabuija ne bapeta moyo wa tshiendelela.
Yezu wakamulongesha ne kumuleja malu abungi. Yezu wakamuambila bua afunda bionsu bivuaye mumona ne mumvua.
Muanabu ne Yalede wakapueka ne mabua ku mukuna. Wakateka dibua mu matumba a buatu bonsu. Akafila bukenka munda mua mâtu.
Bena Yalede bakabuela mu matu ne nyama ne biakudia biabu. Mukalenga wakatuma tshipepela tshikola tshiakasaka matu mu bulaba bulaya.
Mukalenga wakabakuba ku mavuala a mbuwa. Bakasakidila Mukalenga ne kuimbabu misambu ya butumbi.
Kupita mâtuku 344 pa mâyi, mâtu akafika ku muelelu wa bulaba bulaya.
Pakapatuka Bena Yalede mu mâtu, bakatua binu panshi ne badila ne bisonji bia disanka.
Bena Yalede bakasa nzubu ne kukuna nteta mu bulaba bulaya. Bakalongesha bana babu mua kumvua Mukalenga ne kutumikila mêyi ende.