Miyuki ya mu Mifundu

Shapita 42: Bimanyinu bia Ditshiamakajibua dia Kilisto

“Shapita 42: Bimanyinu bia Ditshiamakajibua dia Kilisto,” Miyuki ya mu Mukanda wa Molomo (1997), 117–19

“Bimanyinu bia Ditshiamakajibua dia Kilisto,” Miyuki ya mu Mukanda wa Molomo, 117–19

Shapita 42

Bimanyinu bia Ditshiamakajibua dia Kilisto

muntu mukuata muana wa bakaji ku tshianza — Bidimu makumi asatu ne bisatu bivua bipita katshia bantu bâmona bimanyinu bia diledibua dia Yezu Kilisto.

bantu badi batangila mulu — Badi babandila mpindiewu tshimanyinu tshia lufu: matuku asatu a midima.

bantu badi bakokangana — Bamua kabavua bitaba bua se tshimanyinu ne tshilua to. Bakakokangana ne aba bavua bitabuija.

bantu mu tshipepela — Dimua dituku tshipepela tshikole tshiakalua. Kuvua mvunda mukola.

muntu musomba — Mikenya mikola ne makubakuba biakanyungisha buloba bujima.

bantu badi banyema — Tshimenga tshia Zalahemela tshiakakuata kapia. Tshimenga tshia Moloni tshiakadina mu ndondo wa mayi. Tshimenga tshia Moloniha tshiakajikibua mu bulaba.

muntu muluma ne bana — Dinyungana dia buloba diakanyungisha buloba bujima. Njila minena yakakoseka, ne nzubu minena yakupuka. Bimenga biabungi biakanyanguka, ne bantu babungi bakafua.

tshipepela tshidi pa bulaba — Tshipepela ne dinyungana dia buloba biakenza bua meba asatu.

bantu badi benda mu midima — Pakimana tshipepela ne dinyungana dia buloba, mîdima mikola yakabuikidija bulaba. Kakuakadi butoka nansha muaba umue to. Nansha bantu bavua mu mîdima.

dîku mu muidima — Midima yakashala mu mutantshi wa meba asatu. Miendu kayivua mua kutema to, ne bantu kabavua mua kumona diba, ngondo, anyi mitoto to.

bantu badi badilakana mu midima — Bantu bakadi badilakana bua mîdima, dibutuka, ne lufu. Bakanyingalala bua kubenga kukudimuna mitshima kuabu bua mibi.

bantu mu mîdima — Pananku, bantu bakumvua diyi dia Yezu Kilisto.

buloba bubutuka budi mu midima — Yezu kubambila bua dibutuka dikola mu bulaba. Wakamba se bantu babi babungi bakafua.

bantu badi basambila mu midima — Wakamba se: aba bakadi kabayi bafua badi ne tshia bua kukudimuna mitshima. Bienzabu nanku ne kuluabu kudiye, yeye ne ababenesha.

bantu mu mîdima — Bantu bakadi ne kukema kuabungi pa kumvuabu diyi edi, ne bakalekela didilakana. Konsu kakuvua mutoyi to bua mutantshi wa meba abungi.

dîku mu mîdima — Ne Yezu wakakula kabidi, wamba se, wakasua kuambuluisha bantu. Bobu bakudimuna mitshima mpindiewu, badi mua kupingana kudiye.

bantu badi batangila mulu — Panyima pa matuku asatu, midima yakajika. Bantu bakasanka ne bakasakidila Mukalenga bikola.