“Shapita 27: Koliholo,” Miyuki ya mu Mukanda wa Molomo (1997), 75–77
“Shapita 27,” Miyuki ya mu Mukanda wa Molomo, 75–77
Shapita 27
Koliholo
Muntu uvua dina ne Koliholo wa kalua mu Zalahemela. Kavua witabuija mu Yezu Kilisto to, ne uvua uyisha se bivua bambi bakula bua Mupandishi kabivua bilelela to.
Koliholo udi wambila bantu ne bavua bikala mu dipanga bualu bavua bitabuija se; Yezu nealue pabuloba bua kukenga bua mibi yabu.
Wakamba ne bantu kabavua ne mua kunyokibua bua mibi yabu to, bualu kakuena moyo panyima pa lufu to. Bantu babungi bakitabuja Koliholo. Bakalua bantu babi.
Koliholo wakasua bua kuteta kuyisha bantu ba Amona, kadi kabavua bajinga mua kumuteleja to. Bakamukuata ne kumufikisha kudi Amona, wakamuenzeja bua apatuka tshimenga.
Koliholo wakaya ku bulaba bua Gideona, kadi bantu kabavua bajinga mua kumuteleja nansha. Mulumbuluishi munena wakamutuma kudi Alama.
Alama wakebeja Koliholo ne uvua witabuijila Nzambi. Koliholo wakabenga. Alama wa kajadika se; kudi Nzambi ne Kilisto ulualua.
Koliholo uvua ujinga bua Alama amuleja tshishima tshidi tshileja se Nzambi udiku. Koliholo wakamba ne neitabuijila Nzambi anu pamonaye tshimanyishilu tshia bukola bua Nzambi.
Alama wakambila Koliholo se; ukavua mumona bimanyishilu biabungi bia bukola bua Nzambi kudipitshila ku mifundu ne ku majadiki a bambi bonsu.
Alama wakamba se; buloba ne bintu bionsu bidipu ne dinyunga dia mabulungu adi mu diûlu, bidi bikala kabidi bimanyishilu bidi biamba se Nzambi udiku.
Koliholo wakashala anu ubenga bua kuitabuija. Alama uvua muikala ne dibungama bua tshikisu tshia Koliholo ne wakamudimuija bua se; anyima wende neikila mua kubutudibua.
Koliholo wakashala anu ujinga tshimanyishilu bua kujadika se; Nzambi udiku. Alama wakamba se; tshimanyishilu tshia kudi Nzamdi netshikale tshia ne: Koliholo kakuakula to.
Panyima pa Alama mumana kuakula nanku, Koliholo kakakula to.
Koliholo wakafunda se; wakamanya tshimanyishilu etshi tshivua tshifuma kudi Nzambi ne uvua mumanya se kudi Nzambi. Wakalomba Alama bua amusambidila ne bua kumumbushila mutshipu.
Alama uvua mumanya ne Koliholo yeya muakula neashima kabidi bantu. Alama wakamba ne Mukalenga neangata dipangadika bua kuakula kua Koliholo kabidi.
Mukalenga kavua mupesha Koliholo muakulu wende to. Koliholo wakaya wenda ku nzubu ne ku nzubu, ulomba tshia kudia.
Mulumbuluishi munena wakatuma mukanda mu bulaba bujima wakula bua bivua bifikila Koliholo. Wakambila aba bakitabuijila Koliholo bua bakudimuna mitshima. Bantu bakakudimuna mitshima.
Koliholo wakaya kasomba ne Bena Zolama. Dituku dikuabu pavuaye ulomba, bakamudiata too ne mua kufuaye.