“Shapita 33: Bantu-ba-Mfumu ne Bantu-Badishikaminyi,” Miyuki ya mu Mukanda wa Molomo (1997), 91–92
“Shapita 33,” Miyuki ya mu Mukanda wa Molomo, 91–92
Shapita:33
Bantu-ba-Mfumu ne Bantu-Badishikaminyi
Bena Nefi bakuabu bavua bajinga bua se: mulumbuluishi munena, Paholana, ashintulula imua mikenji.
Pakabenga Paholana, bantu bakafika tshiji ne bakasua bua kumbusha Paholana bu mulumbuluishi munena. Bakajinga kuikala ne mfumu, ne kubengabu bulombodi bua balumbuluishi.
Bantu-ba-Mfumu, bavua batekemena umua wa ku bobu bua kushala mfumu ne kuikala ne bukokeshi pa bantu.
Bena Nefi bavua bajinga bua Paholana ikale mulumbuluishi munena; bavua babikidibua se: bantu badishikaminyi. Bakajinga kuikala badishikaminyi bua bikale ne moyo ne batumbisha muvuabu basua.
Bantu bakasungula pankatshi pa bantu badishikaminyi ne bantu-ba-mfumu Babungi bakasungula bua bantu badishikaminyi.
Mu diba dia momumua, Amalikia uvua muikala mukunguija masalayi manena a Bena Lamana bua kuluisha Bena Nefi.
Pa kumvua bantu-ba-mfumu bua se: Bena Lamana bavua balua, bakasanka ne bakabenga bua kulama ditunga diabu.
Kapitena Moloni uvua muikala ne tshiji bualu bantu-ba-mfumu bakabenga bua kuluangana. Uvua muenza mudimu mukola bua kulama Bena Nefi bua bikala ne budishikaminyi.
Wakakonka ngovena bua enzeja bantu-ba-mfumu bua baluangana ne Bena Lamana, tshianana nebikala ne bua kushipibua.
Pa kapesha ngovena Paholana bukokeshi ebu kudi Moloni, Moloni wakalombola masalayi ende bua baluangisha bantu-ba-mfumu
Bantu-ba-mfumu bavua bashipibua; ne bakuabu bedibua mu nzubu wa lukanu. Bavua bashala bakitaba bua kulama ditunga diabu kumpala kua Bena Lamana.