Miyuki ya mu Mifundu

Shapita 12: Mfumu Benyamina

“Shapita 12: Mfumu Benyamina,” Miyuki ya mu Mukanda wa Molomo (1997), 32–35

“Shapita 12,” Miyuki ya mu Mukanda wa Molomo, 32–35

Shapita 12

Mfumu Benyamina

Mfumu Benyamina udi ulongesha — Mfumu Benyamina uvua mfumu muakane wa Bena Nefi. Kupitshila ku diambuluisha dia bantu bakane bakuabu, wakatuala ditalala mu bulaba.

Mfumu Benyamina ne Mosiya — Mfumu Benyamina wakakulakaja ne kujinga kuakula kudi bantu bende. Wakajinga kubambila ne muanende Mosiya uvua ne bua kuikala mfumu udi umulondela.

bantu bakungila ku ntempelu — Bantu bakafuma mu miaba yonsu ya bulaba ne kudikunguijabu pabuipi ne ntempelu. Bakâsa mitanda yabu bua bîbi bikala bitangila ku ntempelu.

Mfumu Benyamina udi wakula — Mfumu Benyamina wakakula kûlu kua tshibumba bua Bena Nefi bamuteleja.

Bena Nefi — Wakambila bantu bende se yeya wakadienzeja bikola bua kubambuluisha. Wakamba ne mushindu wa kuambuluisha Nzambi, udi mu kuambuluisha umue ne umue.

Mfumu Benyamina — Mfumu Benyamina wakambila bantu bua batumikila ku mikenji ya Nzambi. Aba badi balama mikenji ne ditabuija ne bikala ne disanka ne nebasomba dimue dituku ne Nzambi.

muana mukese Yezu ne Maliya — Mfumu Benyamina wakamba ne Yezu Kilisto uvua ne bua kuledibua pa buloba katataka. Dina dia mamuende nedikale Maliya.

Yezu udi wenza bishima — Yesu naenza bishima. Neondopa babedi ne neatuala moyo kudi bafue. Neatabeja mpofu ne mpata-matshi neyumvua.

Yezu udi usambila — Yezu neakenga ne neafue bua mibi ya bantu bonsu. Aba bakudimuna mitshima ne bikala ne ditabuija mu Yezu nebababuikidile bua mibi yabu.

Yezu udi utshiamakajibua (pa mutshi mutshiamakana) — Mfumu Benyamina wakambila Bena Nefi se; bantu babi nebatuta Yezu. Pashisha nebamutshiamakaja (pa mutshi mutshiamakana).

Yezu mubika ku lufu — Panyima pa matuku asatu, Yezu neabishibua ku lufu.

Bena Nefi badi bakudimuna mitshima — Pakajikija Mfumu Benyamina kuakula, Bena Nefi bakakuluka panshi. Bakadi ne kukema bua mibi yabu ne bakasua kukudimuna mitshima.

bantu badi basambila — Bantu bavua ne ditabuija mu Yezu Kilisto, ne bakasambila bua bababuikidila.

Bena Nefi badi baseka — Nyuma wa Tshijila wakuuja mioyo yabu. Bakamanya se Nzambi wakababuikidila mibi ne wakabananga. Bakumvua ditalala ne disanka.

Mfumu Benyamina udi wakula kudi bantu — Mfumu Benyamina wakambila bantu bende bua bitabuija Nzambi. Wakasua bua bamanya se Nzambi wakafuka bintu bionsu ne udi ne lungenyi ne bukola.

dîku didi disambila — Mfumu Benyamina wakambila bantu bua badipuekesha ne bua bikala basambila dituku dionsu. Wakambila bantu bende bua bikala bavuluka Nzambi ne bikala ne lulamatu.

Mfumu Benyamina udi wakula — Wakambila baledi bua kabalekedi bana babu baluangana anyi bakokangana to.

baledi badi balongesha bana — Wakabambila bua balongesha bana babu bua bikale batumika ne bananga ne bambuluishangana umue ne umue.

Bena Nefi badi bateleja Mfumu Benyamina — Wakadimuija bantu bua badimuka ku bidibu bela mu meji, bidibu bakula ne benza. Bakadi ne bua kuikala balamate ne balama mikenji bua matuku adi mabashadila mu mioyo yabu.

Mfumu Benyamina udi wakula kudi bantu — Mfumu Benyamina wakakonka bantu bua kumanya ni badi bitaba malongesha ende. Bakamba bonsu se mbitaba. Nyuma wa Tshijila wakabashintulula, ne kabakasua kuenza kabidi mibi to.

Bena Nefi badi baseka — Bonsu bakenza tshipungidi, anyi bakalaya, bua kulama mikenji ya Nzambi. Mfumu Benyamina wakadi ne disanka.

Mfumu Benyamina udi ubenesha Mosiya — Mfumu Benyamina wakapesha muanende Mosiya bunema bua kuikala mfumu mupia-mupia. Panyima pa bidimu bisatu Mfumu Benyamina wakafua.

Mosiya udi wenza mudimu — Mosiya wakadi mfumu muakane. Wakenza mudimu bikola ne kusadilaye bantu bende, bu mua kenza tatuende.