“Shapita 45: Yezu Kilisto udi Ulongesha bua Biakudia bia Tshijila ne Disambila,” Miyuki ya mu Mukanda wa Molomo (1997), 126–27
“Shapita 45,” Miyuki ya mu Mukanda wa Molomo, 126–27
Shapita 45
Yezu Kilisto udi Ulongesha bua Biakudia bia Tshijila ne Disambila
Yezu Kilisto wakatuma bayidi bende bua kupeta mampa ne mvinyo. Wakambila Bena Nefi bua basomba panshi.
Pakapingana bayidi, Mupandishi wakakosolola diampa mu bipesa ne kudibeneshaye. Wakafila bikuabu kudi bayidi bua kupesha bantu.
Yezu wakamba se; bantu badi badia biakudia bia tshijila badi bikala balaya bua kumuvuluka ne kudifilabu misangu yonsu. Nunku badi bapeta Nyuma wende.
Yezu kilisto wa kabenesha mvinyo ne kupesha munga kudi bayidi. Bayidi bakapesha bantu mvinyo.
Yezu wakamba ne; aba badi bikala bangata biakudia bia tshijila badi balaya bua kulama mikenji yende.
Yezu wakambila kabidi bayidi bende se; ewu yonsu wikala wangata biakudia bia tshijila ne muikala umuvuluka misangu yonsu, neapeta Nyuma wende.
Wakambila bayidi bende ne; nebikala babeneshibua anu padibu balama mikenji yende.
Wakabambila bua kusambila misangu yonsu, ne kusambila anu muvuabu bamumona usambila.
Mupandishi wakambila Bena Nefi bua kusambila Tatu wa mu Diulu mu dina diende. Wakabelela kabidi mukenji bua basambila mu mêku abu.
Wakamba ne; bantu nebikala mua kusangila pamua ku misangu. Nebikala ne mua kuakidila bakuabu mu bisangilu, kubasambidila ne kuikala tshilejilu tshimpe buabu.
Mupandishi wakapesha bayidi bende bukola bua kufila Nyuma wa Tshijila. Pashisha dibungi tshia kabuikila bantu kadi anu bayidi kibakamona muvua Yezu ubanda mu diulu.