Miyuki ya mu Mifundu

Shapita 25: Alona udi Ulongesha Tatuende wa Mfumu Lamoni

“Shapita 25: Alona udi Ulongesha Tatuende wa Mfumu Lamoni,” Miyuki ya mu Mukanda wa Molomo (1997), 71–72

“Shapita 25,” Miyuki ya mu Mukanda wa Molomo, 71–72

Shapita 25

Alona udi Ulongesha Tatuende wa Mfumu Lamoni

Alona ne bena diende badi benza luendu — Nyuma wakalombola Alona ne bena diende ku bulaba bua Nefi bua kulongesha tatuende wa Lamoni, yeya uvua muikala Mfumu pamutu pa Bena Lamana bonsu.

Alona udi wakula ne mfumu — Alona wakambila mfumu se yeye uvua muanabu ne Amona. Mfumu wakadi wela meji bua buimpa bua Amona ne bua bivua Amona mumuambile.

Alona udi wakula ne mfumu — Alona wakakonka mfumu ne udi witabuijila Nzambi. Mfumu wakamba ne kavua mutuishibua to, kadi uvua ne bua kuitabuija pikala Alona mumuambila se Nzambi udiku. Alona wakajadikila mfumu se: Nzambi udiku.

Alona udi ubadila mfumu mifundu — Alona wakabadila mfumu mifundu. Wakamulongesha bua bufuki bua buloba, kupona kua Adama, ne mudimu wa Yezu Kilisto.

mfumu udi wakula ne Alona — Mfumu wakakonka tshivuaye ne mua kuenza bua kupeta Nyuma wa Tshijila ne kuikalaye pabuipi bua kusomba ne Nzambi. Mfumu uvua ne dijinga dia kuenza tshionsu, nansha bua kulekela bukalenga buende.

Alona udi wakula ne mfumu — Alona wakambila mfumu bua se udi ne bua kukudimuna mutshima bua mibi yende. Uvua ne bua kusambila ne kuikala ne ditabuija mu Nzambi.

mfumu udi usambila — Mfumu wakasambila bua kumanya pikale Nzambi udiku. Wakamba ne nealekela mibi yende yonsu.

mfumu panshi — Mfumu wakakuluka panshi ne kushalaye bu mufua. Pakamumona mukajiende, wakela meji se Alona ne bena diende bavua bamushipa.

mukalenga-mukaji udi utuma dîyi kudi basadidi — Mukalenga-mukaji wakatuma basadidi bende bua bashipa Alona ne bena diende, kadi basadidi bakapeta bowa. Wakabatuma bua bapeta bakuabu bantu badi mua kuenza nanku.

Alona udi wambila mfumu bua ajuka — Kumpala kua bantu babungi kulua ne kuenza bilumbu, Alona wakakuata tshianza tshia mfumu ne kumuambilaye bua imana. Mfumu wakimana.

mfumu udi ubatamija mukaji — Mfumu wakabatamija mukajiende bualu yeya ne basadidi bavua ne bowa, ne wakabalongesha lumu luimpa. Bonsu bakitabuijila Yezu Kilisto.