Miyuki ya mu Mifundu

Shapita 37: Nefi ne Lehi mu Nzubu wa Lukanu

“Shapita 37: Nefi ne Lehi mu Nzubu wa Lukanu,” Miyuki ya mu Mukanda wa Molomo (1997), 99–102

“Shapita 37,” Miyuki ya mu Mukanda wa Molomo, 99–102

Shapita 37

Nefi ne Lehi mu Nzubu wa Lukanu

Helamana ne bana bende — Nefi ne Lehi bavua bana ba Helamana Helamana wakasua bua bobu bikale bakane bu muakadi Lehi ne Nefi bakumbuka ku Yelushalema.

Helamana udi ulongesha bana bende — Helamana wakalongesha bana bende bua bitabuijila Yezu Kilisto. Bakalonga se: dibuikidila didi difuma ku ditabuija ne dikudimuna dia mutshima.

bantu badi batambula — Nefi ne Lehi bakaya bua kulongesha dîyi dia Nzambi kudi Bena Nefi ne Bena Lamana. Binunu bia bantu biakatambula.

Nefi ne Lehi basuikibua — Pakadi Nefi ne Lehi baya ku bulaba bua Nefi, masalayi a Bena Lamana akabela mu nzubu wa lukanu ne kabakabapesha biakudia to, mu matuku abungi.

Nefi ne Lehi mu kapia — Bena Lamana bakaya mu nzubu wa lukanu bua kushipa Nefi ne Lehi, kadi kabakakumbana to, bualu bakadi bakubibua kudi tshikutu tshia kapia tshivua tshiosha ewu yonsu uvua uteta kubalenga.

Nefi ne Lehi mu kapia — Nefi ne Lehi kabakadi bosheka ku kapia to. Bakambila Bena Lamana bua se: bukola bua Nzambi buakadi bubalama.

bimanu bia nzubu wa lukanu bidi binyungana — Bulaba ne bimanu bia nzubu wa lukanu biakabanga kunyungana. Ditutu dia midima dia kabuikila bantu mu nzubu wa lukanu, ne bakakuatshika bowa.

basalayi mu midima — Diyi diakakula kulu kua ditutu dia midima. Kadivua ne mutoyi to, divua dinungana, kadi muntu yonsu uvua ne mua kudiumvua.

bantu mu midima — Diyi diakambila bantu bua bakudimuna mitshima ne balekela kuteta bua kushipa Nefi ne Lehi.

basalayi panshi — Dîyi diakakula misangu isatu, buloba ne bimanu bia nzubu wa lukanu bia katungunuka dinyungana. Bena Lamana kabavua ne mushindu wa kunyema to, bualu konsu kuvua kufika ne mîdima ne bakadi ne bowa.

Kuisu kua Nefi ne Lehi kudi kukenka — Muena Nefi wakadi tshidimba tshia mu Ekelezia, wakamona se: kuisu kua Nefi ne Lehi kuvua kukenka mu midima.

Nefi ne Lehi badi bakenka — Nefi ne Lehi bakadi batangila ku diulu ne bayukila. Muntu ewu wakambila Bena Lamana bua batangila. Bakadikonka bua kumanya uvua Nefi ne Lehi bayukila nende.

Aminadaba udi wakula ne bantu — Muntu, uvua ubikidibua ne Aminadaba, wakambila Bena Lamana se: Nefi ne Lehi badi bayukila ne banjelu.

Aminadaba udi wakula — Bena Lamana bakakonka Aminadaba bua abambila mudibu mua kumbusha ditutu dia mîdima. Wakabambila bua bakudimuna mitshima ne basambila too ne papetabu ditabuija mu Yezu Kilisto.

Bena Lamana badi basambila — Bena Lamana bakasambila too ne pakaya ditutu dia mîdima.

kapia kanyunguluka bantu — Pakaya mîdima, bantu bakamona dikunji dia kapia dibanyunguluka bonsu. Kapia kakakosha bobu anyi bimanu bia nzubu wa lukanu to.

Bena Lamana — Bena Lamana bakumvua disanka, ne Nyuma wa Nzambi wakuwula mu mitshima yabu.

bena Lamana basatu — Diyi diakanungana diamba se: badi ne bua kukankamikibua kupitshila ku ditabuija diabu mu Yezu kilisto.

banjelu — Bena Lamana bakatangila kulu bua kumona kuvua diyi difuma. Bakamona banjelu mu diûlu bapueka.

Bena Lamana badi bayukila — Bantu bungi 300 bakamona ne kumvua tshivua tshipitakana mu nzubu wa lukanu. Bakaya ne bakambila bakuabu.

Bena Lamana badi bimansha biamua bia mvita — Bena Lamana babungi bakabitabuijila ne bakimansha biamua biabu bia mvita.

Muena Lamana ne muena Nefi badi bayukila — Bena Lamana bakalekela lukuna luabu ne Bena Nefi, ne bakabapesha bulaba buakadibu banyenga. Bena Lamana bakalua bakane menemene kupita Bena Nefi.

Bena Lamana ne Bena Nefi badi benda — Bena Lamana babungi bakaya ne Nefi ne Lehi ne bakalongesha Bena Nefi ne Bena Lamana bakuabu.