“Shapita 1: Mushindu Utudi Bapeta Mukanda wa Molomo,” Miyuki ya mu Mukanda wa Molomo (1997), 2–4
“Shapita 1,” Miyuki ya mu Mukanda wa Molomo, 2–4
Shapita 1
Mushindu Utudi Bapeta Mukanda wa Molomo
Pavua Joseph Smith ne bidimu 14, Ekelezia yabungi ivua idiamba ne milelela, ne kavua mumanya umue wa kubuela to.
Dituku dikuabu, Joseph wakabala Yakobo 1:5 mu Bibilia:”Kadi biapanga mukuabo wenu meji, alomba kudi Nzambi”. Joseph uvua ne dijinga dia kumanya Ekelezia uvua mulelela, ke bualu kayi wakangata dipangadika dia kukonka Nzambi.
Mu dinda dia tshikondo tshiamashika Joseph wakaya bua kusambila mu dîtu divua pabuipi ne ku nzubu kuabu.
Pakatuaye binu ne kubanga kusambila, Satana wakateta bua kumupangisha. Joseph wakasambila bikola, ulomba Tatu wetu udi mu Diûlu bua amuambuluishe.
Tatu wa mu Diûlu ne Yezu bakalua kudi Joseph mu dikunji dia bukenka. Tatu wa mu Diûlu wakafunkuna Yezu wamba ne: “Ewu udi Muan’anyi Musuibue. Umuteleja!”
Joseph wakakonka bua kumanya ekelezia udiye mua kubuela. Yezu wakamuambila bua kabuedi mu umue wa kuyoyi to, bualu ivua yonsu ya mashimi.
Pavua Joseph wambila bamua bantu bivuaye mumona ne bivuaye mumvua, bavua bamuseka. Balombodi ba ekelezia yabungi ya muaba uvuaye muikala bakamuluisha.
Bidimu bisatu biakapita. Mu butuku bukuabu, Joseph uvua muikala usambila bua dibuikidibua dia mibi yenda, ne bua kumanya tshivuaye mua kuenza.
Muanjelu uvua ne dina dia Moloni wakamuenekela Joseph ne kumuambilaye pa bivua bitangila mukanda uvua mufundibua pa bitata bia ngolu. Joseph uvua ne bua kukudimuna bitata ebi mu Angele.
Pakaya Moloni, Joseph wakashala wela meji pa bivua Moloni mumuambila. Moloni wakapingana kabidi misangu mikuabu ibidi butuku abu.
Dituku dia kalonda, Joseph wakaya ku Kakuna wa Kumola, kavuaye mumona mu tshimônyi. Koku aku wakasangana dibua dinena. Wakumbusha dibua ne mutshi.
Muinshi mua dibua muvua kasheta ka dibua. Pakatangila joseph munda mua kasheta, wakamona bitata bia ngolu.
Moloni wakamuenekela Joseph ne kumuambilaye bua kangatshi bitata to, kadi apingana mu dituku dia momumua adi tshidimu tshionsu mubidimu binayi. Musangu onsu uvua Joseph uya, Moloni uvua umulongesha.
Panyima pa bidimu binayi, Joseph wakapeta dianyisha bua kuangata bitata bia ngolu. Uvua ne Ulima ne Tumima bua kukudimuna bimua bia kubiobi.
Mufundi uvua wambuluisha Joseph bua kufunda miaku ivuye ukudimuna mu bitata bia ngolu.
Joseph wakangata miaku ivua mikala mikudimuna bua kuyipatula ne kuyenza bu mukanda.
History of the Church 1:71
Mukanda udi ubikidibua ne Mukanda wa Molomo. Udi wakula pa bualu bua bantu bavua bikala mu Amelika bidimu biabungi bipita. Udi muikale wakula kabidi bua Yezu Kilisto, Muana wa Nzambi.