Jenesis 17; 21–22

Ebraham mo Aesak

Wan papa, wan pikinini, mo wan sakrifaes

Ebraham, Sera, mo bebi

Ebraham mo Sara tufala i bin gat wan bebi boe, olsem we Lod i bin promesem. Oli putum nem blong hem Aesak.

Jenesis 17:9; 21:1–3

Ebraham i stap tijim Aesak

Oli lavem Aesak. Oli tijim hem blong jusum raet mo blong trastem Lod.

Jenesis 21:8

Sera mo Ebraham i stap lukluk Aesak

Lod i bin promesem Ebraham mo Sera se tru long Aesak, bae famli blong olgeta i gro blong blesem ful wol. Be wan dei, Lod i bin talem long Ebraham blong tekem Aesak i go long hil Moria mo givim Aesak olsem wan sakrifaes.

Jenesis 17:1–8; 22:1–2

Ebraham mo Aesak i stap wokbaot i go

Long rod blong olgeta i go long hil ia, Aesak i askem se wehem sipsip blong sakrifaes ia. Ebraham i talem se bae Lod i givim wan.

Jenesis 22:4–8

Ebraham mo Aesak i bildimap wan olta

Long hil blong Moria, Ebraham i bildim wan olta mo i putum wud i go long hem.

Jenesis 22:8–9

Ebraham i stap rere blong sakrifaesem Aesak

Olsem we Lod i bin givim oda, Ebraham i askem Aesak blong ledaon long olta. Aesak i trastem Ebraham, semmak olsem Jisas Kraes i bin trastem Papa blong Hem.

Jenesis 22:9

enjel i kamkamaot long Ebraham mo Aesak

Taem Ebraham i stap wantem blong sakrifaesem Aesak, wan enjel blong Lod i stopem hem. Ebraham i bin soem fet blong hem long Lod. Ebraham i bin save se oltaem bae hem i folem Lod.

Jenesis 22:10–12

nani i fas long bus

Ebraham i bin lukluk i go antap mo i luk wan nani i fas i stap long ol bus. Lod i bin givim nani ia blong mekem sakrifaes.

Jenesis 22:13

Ebraham mo Aesak i stap lukluk skae

Ebraham mo Aesak i bin lanem abaot olsem wanem Papa long Heven bae i givim Pikinini Boe blong Hem olsem wan sakrifaes. Lod Jisas Kraes, i trastem Ebraham from hem i bin obei. Ebraham i bin trastem promes blong Lod se, wan dei, bae famli blong hem i gro bigwan bitim namba blong ol sta long skae.

Jenesis 22:17–18; Jekob 4:5