Aesea 6–7; 9; 53–54

Profet Aesea

Ol profesi abaot Lod Jisas Kraes

I gat plante taem we ol man oli winim Ol Man Isrel, mo oli bin wantem se bae Lod i protektem olgeta. Wan dei, insaed long tempol, Lod i bin singaotem wan man, we nem blong hem Aesea, blong hem i tijim ol pipol abaot taem ia we bae Jisas Kraes i kam. Aesea i lavem ol pipol, mo i bin tijim olgeta abaot wei we Kraes bae i sevem olgeta.

Aesea 6:1–8

Aesea i bin lanem se, wan dei, bae Jisas Kraes i kam blong sevem ol pipol blong Hem from sin. Be i no evriwan we bae i luksave Hem olsem Sevya blong olgeta. Aesea i harem nogud from, from se hem i bin save se bae plante pipol bae oli no biliv long Jisas Kraes.

Aesea 6:9–13; 7:14; 53:1–9

Be Aesea i bin talem profesi tu abaot Seken Kaming blong Jisas Kraes. Jisas Kraes bae i kambak, mo bae i King blong ful wol ia. Bambae Hem i kam bakegen mo bae i mekem plan blong Papa blong Hem i kamtru; bae Hem i mekem hemia taem bae i tekem kaen fasin mo pis i kam blong oltaem. Aesea i talem se evriwan bae i save se Jisas Kraes i Sevya blong olgeta.

Aesea 9:6–7; 54:1–10